ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ସେଥିରୁ କେତେକ ଭିଡିଓ ହସର ଖୋରାକ ଯୋଗାଉଥିବାବେଳେ କେତେକ ଭାବପ୍ରବଣ କରିଦିଏ। ଜଣେ ଯୁବତୀଙ୍କୁ ଏକ ହାତୀ ଆଲିଙ୍ଗନ କରୁଥିବା ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ହାତୀ ନିକଟରେ ଜଣେ ଯୁବତୀ ଠିଆ ହୋଇଛନ୍ତି। ସେହି ସମୟରେ ଯୁବତୀଙ୍କୁ ହାତୀଟି ନିଜ ଶୁଣ୍ଢରେ ଟାଣି ଆଣି ଆଲିଙ୍ଗନ କରୁଛି। ଆଇଏଫଏସ୍ ସୁଶାନ୍ତ ନନ୍ଦ ଉକ୍ତ ଭିଡିଓକୁ ନିଜ ଟୁଇଟର ଆକାଉଣ୍ଟରେ ଶେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, ବିଶ୍ୱହାତୀ ଦିବସର ଶେଷରେ ଏହା ମାନବଜାତିକୁ ଆଲିଙ୍ଗନ କଲା। ଭବିଷ୍ୟତ ପାଇଁ ଗୋଟିଏ ଦିନ ବାହାର କରିଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଲା। ଏହି ଭିଡିଓକୁ ଅନେକ ଲୋକ ଲାଇକ୍ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।
At the end of the world elephants day it embraced the mankind,thanking all for taking a day out for its future🙏 pic.twitter.com/gc2QATxoCr
— Susanta Nanda (@susantananda3) August 12, 2020
