ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି। ଏଥିରେ ଏକ ହାତୀ କାଠ ପୋଲ ପାର ହେଉଥିବା ଦେଖିବାକୁ ମିଳିଛି। ମାତ୍ର ହାତୀଟି ବୁଦ୍ଧିମାନର କାମ କରୁଛି। ତାର ପାହୁଣ୍ଡ ଓଜନିଆ ହୋଇଥିବା ହେତୁ କାଳେ ପୋଲ ଭାଙ୍ଗି ଯିବ ସେ ନେଇ ସେ ପୋଲ ଏପଟରୁ ସେପଟକୁ ପାହୁଣ୍ଡ ପକାଉଛି।
ଏହି ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। କ୍ୟାପଶନରେ ସେ ଲେଖିଛନ୍ତି, ‘ଇଣ୍ଟିଲିଜେଣ୍ଟ’।ଏହି ଭିଡିଓ ଅଧିକ ଭାଇରାଲ ହେବାରେ ଲାଗିଛି।