ଦୈନିକ ସୋସିଆଲ ମିଡିଆରେ କିଛିନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ପ୍ରାଣୀମାନଙ୍କୁ ନେଇ ମଧ୍ୟ ଭାଇରାଲ ହୋଇଥାଏ, ଯାହା ଅନେକ ସମୟରେ ସମସ୍ତଙ୍କ ମୁହଁରେ ହସ ଫୁଟାଇଥାଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଏକ ହାତୀକୁ ଦେଖିବାକୁ ମିଳୁଛି। ହାତୀଟି ଦୂରରୁ ଆସୁଥିବା ବେଳେ ଗୋଡ଼କୁ ବୁଲେଇକି ପାଦ ପକାଉଥିବା ବେଳେ ଶୁଣ୍ଢକୁ ହଲେଇ ଚାଲୁଛି। ହାତୀଟିକୁ ଦେଖିଲେ ଏପରି ଲାଗିବ, ଯେପରି ସେ ଝୁଲଝୁଲି ନାଚି ନାଚି ଆସୁଛି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଭାଇରାଲ ହେବାରେ ଲାଗିଛି।