ନୀଳଗିରି, ୪।୬(ପ୍ରଶାନ୍ତ ବିଶ୍ୱାଳ):ବାଲେଶ୍ୱର ଜିଲା ନୀଳଗିର ବ୍ଲକ କୁଲଡ଼ିହା ଅଭୟାରଣ୍ୟ ପାଦଦେଶ କେସିପୁର ପଞ୍ଚାୟତ ଅଧୀନ ଟୁଲୁଙ୍କଡ଼ାବ ଗାଁର ଏକ ନାବାଳିକା ମରଣମୁହଁରୁ ରକ୍ଷା ପାଇଯାଇଛନ୍ତି। ଖାଦ୍ୟ ଅନ୍ବେଷଣରେ ଗଁା ଭିତରକୁ ପଶିଆସିଥିବା ଏକ ହାତୀ ଝିଅଟିକୁ ଦଳି ଦେବାକୁ ଉଦ୍ୟମ କରୁଥିବା ବେଳେ ସେହି ସମୟରେ ତାଙ୍କ ବାପା ପହଞ୍ଚି ଜୋର୍ରେ ଚିତ୍କାର କରିଥିଲେ। ହାତୀଟି ଭୟରେ ଜଙ୍ଗଲ ଆଡକୁ ଦୌଡି ପଳାଇଥିଲା। ଆକ୍ରମଣରେ ନାବାଳିକାଙ୍କର ମୁଣ୍ଡ, ମୁହଁ, ପିଠି, ଗୋଡ଼ ଓ ଦେହର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଛି। ତୁରନ୍ତ ଝିଅକୁ ସେଠାରୁ ଉଦ୍ଧାର କରି ତାଙ୍କ ବାପା ନୀଳଗିରି ଡାକ୍ତରଖାନାରେ ଭର୍ତ୍ତି କରିଥିଲେ।
ସୋମବାର ସକାଳେ ସତ୍ୟ ପଲେଇଙ୍କ ଦଶମ ଶ୍ରେଣୀରେ ପଢୁଥିବା ଝିଅ ଅନୁସୟା ବାଡ଼ି ପଛପଟକୁ ଶୌଚ ପାଇଁ ଯାଇଥିଲେ। ସେହି ସମୟରେ କୁଲଡ଼ିହା ଅଭୟାରଣ୍ୟରୁ ପଶି ଆସିଥିବା ଗୋଟିଏ ହାତୀ ପଛପଟୁ ଆସି ଆକ୍ରମଣ କରିବାକୁ ପାଇଁ ଗୋଡ଼ାଇଥିଲା। ସେ ପ୍ରାଣ ବିକଳରେ ଦୌଡୁଥିବା ବେଳେ ଏକ ଖାଲୁଆ ସ୍ଥାନରେ ପଡ଼ିଯିବା ପରେ ହାତୀଟି ତା ଉପରେ ଗୋଡ଼ ପକାଇଦେଇଥିଲା। ଝିଅର ଚିକତ୍ାର ଶୁଣି ତାଙ୍କ ବାପା ସେଠାରେ ପହଞ୍ଚତ୍ ଜୋର୍ରେ ପାଟି କରିବାରୁ ହାତୀଟି ଜଙ୍ଗଲ ଆଡ଼କୁ ଦୌଡ଼ି ପଳାଇଯାଇଥିଲା। ଫଳରେ ଝିଅଟି ମରଣ ମୁହଁରୁ ବଞ୍ଚିଯାଇଛି। କୁଲଡ଼ିହା ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ତଦନ୍ତ କରିଥିଲେ।