ନିଶ୍ଚିନ୍ତକୋଇଲି,୨୭।୧୦(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ କଟିକଟା ପଞ୍ଚାୟତ ରାମରାଙ୍ଗ ଗ୍ରାମରେ ଏକ ବଣୁଆ ହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି। ସେ ହେଲେ ଭାଗବତ ବେହେରା (୭୦)। ଭାଗବତ ଘାସ କାଟୁଥିବା ବେଳେ ହାତୀ ଅଚାନକ ବଗିଚା ଭିତରକୁ ପଶି ଯାଇଥିଲା। ସେ ହାତୀକୁ ଦେଖି ଦୌଡ଼ି ପଳାଉଥିଲେ। ସେହି ସମୟରେ ହାତୀ ତାଙ୍କୁ ଶୁୁଣ୍ଢରେ ଫୋପାଡ଼ି ପାଦରେ ଚକଟି ମାରି ଦେଇ ଥିବା ଜଣା ପଡ଼ିଛି। ଘଟଣାସ୍ଥଳରେ ପୋଲିସ ମୁତୟନ ହୋଇଥିବା ବେଳେ ହାତୀ କଟିକଟାରୁ ସୁକରପଡ଼ା ଅଭିମୁଖେ ଯାଇଛି। ଏଯାବତ୍ ବନବିଭାଗ ଘଟଣାସ୍ଥଳରେ ପହଞ୍ଚି ନାହିଁ।