WASHINGTON, DC - MARCH 27: U.S. President Donald Trump listens while meeting with women small business owners in the Roosevelt Room of the White House on March 27, 2017 in Washington, D.C. Investors on Monday further unwound trades initiated in November resting on the idea that the election of Trump and a Republican Congress meant smooth passage of an agenda that featured business-friendly tax cuts and regulatory changes. (Photo by Andrew Harrer-Pool/Getty Images)
ଓ୍ବାଶିଂଟନ,୬ା୧୧:ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ତାଙ୍କ ଡେମୋକ୍ରାଟିକ୍ ଚ୍ୟାଲେଞ୍ଜର ଜୋଶେଫ୍ ଆର୍ ବାଇଡେନ୍ ଜୁନିୟରଙ୍କଠାରୁ ପରାସ୍ତ ହୋଇଛନ୍ତି। ସମ୍ପୂର୍ଣ୍ଣ ଫଳାଫଳ ଆସିବା ବାକି ଥିଲେ ମଧ୍ୟ ଟ୍ରମ୍ପ୍ ଯେଉଁ ସ୍ଥିତିରେ ରହିଛନ୍ତି, ସେଠାରୁ ଉଠି ନିର୍ବାଚନ ଜିତିବା ଏକପ୍ରକାର ଅସମ୍ଭବ ମନେହେଉଛି। କାରଣ ଆଉ ମାତ୍ର ୫ଟି ରାଜ୍ୟର ପରିଣାମ ଆସିବା ବାକି ଅଛି।
ବାଇଡେନ୍ଙ୍କଠାରୁ ଟ୍ରମ୍ପ୍ଙ୍କ ପରାଜୟ ପାଇଁ ଅନେକ କାରଣକୁ ଦାୟୀ କରାଯାଉଛି। ମହାମାରୀ କରୋନା ସଂକ୍ରମଣକୁ ରୋକିବାର ଟ୍ରମ୍ପ୍ଙ୍କ ବିଫଳତାକୁ ମୁଖ୍ୟ ପ୍ରସଙ୍ଗ ବୋଲି କୁହାଯାଉଛି। ସେହିପରି କୋଭିଡ୍-୧୯ ଆସିବା ପରେ ଦେଶର ଅର୍ଥନୀତି ବିପର୍ଯ୍ୟସ୍ତ ହୋଇଛି। ମହାମାରୀରେ ଅଦ୍ୟାବଧି ୨୩୯,୮୯୪ ଜଣଙ୍କ ଜୀବନ ଯାଇଥିବାବେଳେ ୯,୮୦୬,୯୬୦ ସଂକ୍ରମିତ ହୋଇଛନ୍ତି। ଏଥିଯୋଗୁ ଆମେରିକାରେ ସ୍ବାସ୍ଥ୍ୟ ସଙ୍କଟ ସୃଷ୍ଟି ହୋଇଛି। ଆର୍ଥିକ ସଙ୍କଟ ଯୋଗୁ ବେକାର ସମସ୍ୟା ବଢ଼ିବା ସହ ଲକ୍ଷ ଲକ୍ଷ ଲୋକ ବେରୋଜଗାର ହୋଇଯାଇଛନ୍ତି। ଶରଣାର୍ଥୀଙ୍କ ପ୍ରତି ଟ୍ରମ୍ପ୍ଙ୍କ ଆଭିମୁଖ୍ୟ, ବହିର୍ବ୍ୟାପାର, ବର୍ଣ୍ଣବୈଷମ୍ୟ ଓ ଆପ୍ରବାସନ ନୀତିକୁ ମଧ୍ୟ ବିଭିନ୍ନ ମହଲରେ ସମାଲୋଚନା କରାଯାଉଛି। ସେହିପରି ଟ୍ରମ୍ପ୍ଙ୍କ ଝିଅ ଇଭାଙ୍କା ଟ୍ରମ୍ପ୍ ମଧ୍ୟ ମହିଳା ଓ ଯୁବବର୍ଗର ଭୋଟରଙ୍କୁ ସେତେଟା ଆକୃଷ୍ଟ କରିପାରି ନ ଥିବା କୁହାଯାଉଛି। ଟ୍ରମ୍ପ୍ ନିର୍ବାଚନ ହାରିଯିବା ପରେ ଏବେ ୭୬ ଦିନ ହ୍ବାଇଟ୍ ହାଉସ୍ରୁ ନିଜ କ୍ଷମତା ପ୍ରୟୋଗ କରିପାରିବେ। ଏହି ସମୟ ମଧ୍ୟରେ ସେ କେତେକ ନକାରାମତ୍କ ପଦକ୍ଷେପ ମଧ୍ୟ ନେଇପାରନ୍ତି ବୋଲି ଆଶଙ୍କା କରାଯାଉଛି। ପରାଜୟରେ ଜର୍ଜରିତ ଟ୍ରମ୍ପ୍ ତାଙ୍କ ସ୍ବପ୍ନ ସାକାର କରିବାରେ ବିଫଳ ହୋଇଥିବା କେତେଜଣ ବରିଷ୍ଠ ଅଧିକାରୀଙ୍କୁ ବିଦା କରିପାରନ୍ତି। ଏପରି କି ଜାନୁୟାରୀ ୨୦ରେ ଟ୍ରମ୍ପ୍ଙ୍କୁ ହ୍ବାଇଟ୍ ହାଉସ୍ ଖାଲି କରିବାକୁ ବାଧ୍ୟ କରାଗଲେ ସେ ଆହୁରି ଅନେକ କଡ଼ା ପଦକ୍ଷେପ ନେଇପାରନ୍ତି। ରାଷ୍ଟ୍ରପତି ଟ୍ରମ୍ପ୍ ୬୮ ନିୟୁତ ଭୋଟ ପାଇଛନ୍ତି, ଯାହାକି ୨୦୧୬ ତୁଳନାରେ ୫ ନିୟୁତ କମ୍। ପପୁଲାର ଭୋଟ କଥା ଦେଖିଲେ ତାଙ୍କ ସପକ୍ଷରେ ୪୮% ଯାଇଛି। ଅର୍ଥାତ୍ ୪ ବର୍ଷ ମଧ୍ୟରେ ଅନେକ ସ୍କାଣ୍ଡାଲ, ମହାଭିଯୋଗ ଓ କରୋନା ଭାଇରସ୍ ସମେତ ବର୍ଣ୍ଣବୈଷମ୍ୟ ବିରୋଧୀ ଆନ୍ଦୋଳନ ସତ୍ତ୍ୱେ ଟ୍ରମ୍ପ୍ଙ୍କୁ ପ୍ରାୟ ଅଧା ଆମେରିକୀୟ ସମର୍ଥନ କରିଛନ୍ତି।
୨୮ ବର୍ଷ ପରେ ଏହା ହେଉଛି ଜଣେ ରାଷ୍ଟ୍ରପତିଙ୍କ ପ୍ରଥମ ପରାଜୟ। ପୂର୍ବରୁ ୧୯୯୨ରେ ରାଷ୍ଟ୍ରପତି ଜର୍ଜ ଏଚ୍.ଡବ୍ଲ୍ୟୁ ବୁଶ୍ ଦ୍ୱିତୀୟ ଥର ପାଇଁ ନିର୍ବାଚିତ ହୋଇପାରି ନ ଥିଲେ। ସେ ଡେମୋକ୍ରାଟ୍ ବିଲ୍ କ୍ଲିଣ୍ଟନଙ୍କଠାରୁ ପରାଜିତ ହୋଇଥିଲେ। ବୁଶ୍ଙ୍କ ପରେ ଆମେରିକାର ୩ ରାଷ୍ଟ୍ରପତି ବିଲ୍ କ୍ଲିଣ୍ଟନ, ଜର୍ଜ ଡବ୍ଲ୍ୟୁ ବୁଶ୍ ଓ ବାରାକ୍ ଓବାମା ଦୁଇଥର ଲେଖାଏ ବିଜୟୀ ହୋଇ ହ୍ବାଇଟ୍ ହାଉସ୍ ଦଖଲ କରିଥିଲେ। ସେହିପରି ବିଗତ ୧୦୦ ବର୍ଷରେ ମାତ୍ର ୪ ଜଣ ରାଷ୍ଟ୍ରପତି ପୁନଃ ନିର୍ବାଚିତ ହେବାରେ ବିଫଳ ହୋଇଥିଲେ। ସେମାନେ ହେଲେ ଜର୍ଜ ଏଚ୍.ଡବ୍ଲ୍ୟୁ. ବୁଶ୍ (୧୯୯୨), ଜିମି କାର୍ଟର (୧୯୮୦), ଗେରାଲ୍ଡ ଫୋର୍ଡ (୧୯୭୬) ଓ ହେର୍ବର୍ଟ ହୁଭର୍।