ରାଞ୍ଚି,୨୨।୨:ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଚାଲିଛି। ଏହି ସିରିଜରେ ଏପର୍ଯ୍ୟନ୍ତ ୩ଟି ମ୍ୟାଚ ଖେଳାଯାଇଛି। ସିରିଜରେ ଟିମ ଇଣ୍ଡିଆ ୨-୧ରେ ଆଗରେ ରହିଛି। ଶେଷ ମ୍ୟାଚରେ ଭାରତ ରାଜକୋଟରେ ୪୩୪ ରନ ବ୍ୟବଧାନରେ ଇଂଲଣ୍ଡକୁ ପରାସ୍ତ କରିଥିଲା। ବର୍ତ୍ତମାନ ଦୁଇ ଦଳ ମଧ୍ୟରେ ସିରିଜର ଚତୁର୍ଥ ମ୍ୟାଚ ୨୩ ଫେବୃଆରୀରୁ ରାଞ୍ଚିରେ ଖେଳାଯିବ। ଏହି ମ୍ୟାଚ ଆରମ୍ଭ ପୂର୍ବରୁ ଇଂଲଣ୍ଡର ଅଧିନାୟକ ବେନ ଷ୍ଟୋକ୍ସଙ୍କୁ ପରାଜୟ ଭୟ ଘାରିଛି। ରାଞ୍ଚି ପିଚ ସମ୍ପର୍କରେ ସେ ଏକ ଆଶ୍ଚର୍ଯ୍ୟଜନକ ବିବୃତ୍ତି ଦେଇଛନ୍ତି।
ରାଞ୍ଚିରେ ମ୍ୟାଚ ପୂର୍ବରୁ ପିଚ ଦେଖିବା ପରେ ସାମ୍ବାଦିକ ସମ୍ମିଳନୀରେ ପହଞ୍ଚିଥିବା ବେନ ଷ୍ଟୋକ୍ସ କହିଛନ୍ତି, ’ମୁଁ ଏହା ପୂର୍ବରୁ ଏମିତି ପିଚ୍ କେବେ ଦେଖି ନାହିଁ। ପିଚ କ’ଣ ହେବ ମୋର କୌଣସି ଧାରଣା ନାହିଁ।ତେଣୁ ଏହା ଉପରେ କ’ଣ ହୋଇପାରେ ମୁଁ ଜାଣେ ନାହିଁ। ଯଦି ଆପଣ ଅନ୍ୟ ସ୍ଥାନରେ, ବିଶେଷକରି ଭାରତରେ ଥିବା ପିଚ ଗୁଡିକୁ ଦେଖନ୍ତି, ତେବେ ଏହା ସମ୍ପୂର୍ଣ୍ଣ ଭିନ୍ନ ଦେଖାଯାଉଛି।
ଗତ ଦୁଇଟି ଟେଷ୍ଟରେ ଭାରତ ଇଂଲଣ୍ଡକୁ ଖରାପ ଭାବେ ପରାସ୍ତ କରିଛି। ଏହି ଦୁଇଟି ପରାଜୟ ଇଂରାଜୀ ଦଳର ମନୋବଳକୁ ଭାଙ୍ଗି ଦେଇଛି।