ଚାଣକ୍ୟ ନିଜର ନୀତିଶାସ୍ତ୍ରରେ ମନୁଷ୍ୟ ଜୀବନକୁ ସଫଳ କରିବା ଲାଗି ଅନେକ କିଛି ନୀତି ବିଷୟରେ ବର୍ଣ୍ଣନା କରିଛନ୍ତି। ଏହାକୁ ଆପଣାଇବା ଫଳରେ ଜଣେ ଶତ୍ରୁ, ମିତ୍ରକୁ ଜାଣିବା ସହ ଅସଫଳତାକୁ ସଫଳତାରେ ପରିବର୍ତ୍ତନ କରିପାରିବ। ତାଙ୍କର ନୀତିକୁ ଆପଣାଇ ଜୀବନରେ ସମସ୍ତ କଷ୍ଟକର ସମୟରୁ ନିସ୍ତାର ପାଇହେବ। ଜାଣନ୍ତୁ ସେଭଳି କିଛି ଚାଣକ୍ୟ କହିଥିବା ଉପାୟ ବିଷୟରେ…
-ଭୋଜନ ଯେମିତି ବିଚାର ସେମିତି:-
ଚାଣକ୍ୟ କୁହନ୍ତି ମନୁଷ୍ୟର ବିଚାର ତାର ଭୋଜନରୁ ପ୍ରଭାବିତ ହୋଇଥାଏ। ଯେଉଁଭଳି ଏକ ଜଳୁଥିବା ଦୀପ ଅନ୍ଧାରକୁ ଭକ୍ଷଣ କରି କଳା ଧୁଆଁ ଛାଡ଼ିଥାଏ, ସେହିଭଳି ମନୁଷ୍ୟ ଭୋଜନରୁ ମଧ୍ୟ ବିଚାର ଜନ୍ମ ନେଇଥାଏ। ଏଣୁ ଏହାର ସନ୍ତୁଳନ ଲାଗି ସଠିକ୍ ଖାଦ୍ୟପେୟ ଜରୁରୀ।
-ସଠିକ୍ ଲୋକ ହାତରେ ସମ୍ପତ୍ତି ଦିଅନ୍ତୁ:- ଚାଣକ୍ୟ କୁହନ୍ତି ମନୁଷ୍ୟର ସମ୍ପତ୍ତି ବିତରଣ ପ୍ରଭାବଶାଳୀ। ଜଣଙ୍କୁ ନିଜର ସମ୍ପତ୍ତି ସଠିକ୍ ଲୋକ ହାତରେ ଦେବା ଉଚିତ। ଯଦି ଏହା ଭୁଲ ହାତକୁ ଚାଲିଯାଏ ତେବେ ସେ ଅନେକ ଲୋକଙ୍କୁ କ୍ଷତି ପହଞ୍ଚାଇବାରେ। ବିଶେଷକରି ସମ୍ପତ୍ତି ଦେଉଥିବା ଲୋକର ଆଚରଣ ଏବଂ ବିଚାରର ସଠିକ୍ ଆକଳନ କରିବା ଜରୁରୀ ବୋଲି ସେ କହିଛନ୍ତି।
-ଲୋଭ ସବୁଠାରୁ ବଡ ରୋଗ: ଚାଣକ୍ୟ କୁହନ୍ତି ଲୋଭ ମନୁଷ୍ୟର ସବୁଠାରୁ ବଡ଼ ରୋଗ। ଯେଉଁଭଳି ସନ୍ତୋଷ ଭଳି କୌଣସି ସୁଖ ନାହିଁ, ଦୟା ଭଳି କୌଣସି ଗୁଣ ନାହିଁ, ସେହିଭଳି ଲୋଭଠାରୁ ବଳି କୌଣସି ରୋଗ ନାହିଁ। ଯାହାକୁ ଥରେ ଏହି ରୋଗ ଲାଗିଯାଏ ତାର ପୁରା ଜୀବନ ବରବାଦ ହୋଇଯାଏ।
-ବିଦ୍ୟା ସବୁଠାରୁ ବଡ ଧନ: ଚାଣକ୍ୟ କୁହନ୍ତି ବ୍ୟକ୍ତି ଯେତେ ସୁନ୍ଦର ଏବଂ ଧନୀ ହୋଇଥାଉନା କାହିଁକି ଯଦି ତା ପାଖରେ କୌଣସି ଜ୍ଞାନ ନାହିଁ ତେବେ ସବୁକିଛି ବେକାର। ମନୁଷ୍ୟ ପାଇଁ ସବୁଠାରୁ ବଡ ଧନ ତାର ଜ୍ଞାନ। ଏହି ଜ୍ଞାନରୁ ତାକୁ ଧନ ଏବଂ ସଫଳତା ମିଳିଥାଏ।