ଇସ୍ରାଇଲର ତାଲ ପେଲେଗ୍ ଜଣେ ଅଭିଜ୍ଞ ମେକ୍ଅପ୍ ଆର୍ଟିଷ୍ଟ। ପିଲାଟିବେଳୁ ସେ ଚିତ୍ର ଆଙ୍କୁଥିଲେ ଓ ସାନ ଭଉଣୀକୁ ମଡେଲ ସଜେଇ ମୁହଁରେ ମେକ୍ଅପ୍ ଏକ୍ସପେରିମେଣ୍ଟ କରୁଥିଲେ। ଏବେବି ସେହି ସଉକ ସେ ଛାଡି ନାହାନ୍ତି। ବରଂ ନିଜ ଆଖିପତାକୁ କାନ୍ଭାସ୍ ସଜାଇ ସେଥିରେ କରୁଛନ୍ତି ବିଭିନ୍ନ ସୁନ୍ଦର ସୁନ୍ଦର ପେଣ୍ଟିଂ। ଏଥିପାଇଁ ସେ ଷ୍ଟାଣ୍ଡାର୍ଡ ମେକ୍ଅପ୍ ଓ ଓ୍ବାଟର କଲର୍ ବ୍ୟବହାର କରନ୍ତି। ଆଇକୋନିକ ଫିଲ୍ମ, କାର୍ଟୁନ ସିନ୍, ନିଜସ୍ବ କିଛି ଓରିଜନାଲ ଡିଜାଇନ୍ ଆଦିକୁ ପତଳା ବ୍ରଶ୍ ସାହାଯ୍ୟରେ ନିଜ ଆଖିପତା ଉପରେ ଆଙ୍କୁଛନ୍ତି; ଯେଉଁଥିପାଇଁ ତାଙ୍କୁ ଦେଢ ଘଣ୍ଟାରୁ ସାଢେ ଚାରିଘଣ୍ଟା ସମୟ ଲାଗିଥାଏ। ଚିତ୍ରର କାରୁକାର୍ଯ୍ୟ ଉପରେ ପେଣ୍ଟିଂ କାମ ସରିବା ସମୟ ନିର୍ଭର କରିଥାଏ। ଏହି କାମ ପାଇଁ ଧୈର୍ଯ୍ୟର ଆବଶ୍ୟକତା ରହିଛି ବୋଲି ତାଲ କହନ୍ତି। ତାଙ୍କର ପ୍ରତିଟି ପେଣ୍ଟିଂ ଗୋଟେ ଗୋଟେ ମାଷ୍ଟରପିସ୍ ଭଳି ଲାଗେ। ଏହାର ଫଟୋକୁ ସେ ସୋସିଆଲ ମିଡିଆରେ ଅପ୍ଲୋଡ୍ କରନ୍ତି। ଏହି ସୃଜନାତ୍ମକ କାର୍ଯ୍ୟକୁ ବହୁତ ଲୋକ ପସନ୍ଦ କରୁଛନ୍ତି। ଆଉ ତାଙ୍କର ଫ୍ୟାନ୍, ଫଲୋୟର୍ ବି ବଢିଯାଇଛନ୍ତି।
