ସାନ୍ ଫ୍ରାନସିସ୍କୋ,୨୫।୬: ସୋସିଆଲ ମିଡିଆର ସବୁଠାରୁ ବଡ ପ୍ଲାଟଫର୍ମ ଫେସବୁକ୍ ଏବେ ଏକ ବଡ ଯୋଜନାରେ ଥିବା ଜଣାପଡିଛି। ଫେସ୍ବୁକ୍ ଖୁବ୍ଶୀଘ୍ର ଏକ ଫୋରକାଷ୍ଟ ଆପ୍ ଲଞ୍ଚ କରିବାକୁ ଯାଉଛି। ଯାହା ଭବିଷ୍ୟତ ବିଷୟରେ ସୂଚନା ଦେବ। ଏହାଏକ ଆଇଓଏସ୍ ଆପ୍ ଯାହା କୋଭିଡ-୧୯ ମହାମାରୀ ସହିତ ସଂସାରର ବିଭିନ୍ନ ଘଟଣାର ଭବିଷ୍ୟବାଣୀ ସମ୍ବନ୍ଧରେ ଏକ ଗ୍ରୁପ୍ ଗଠନ କରିବ। ଏଥିରେ ଯେଉଁ ସଦସ୍ୟ ସାମିଲ ହେବେ ସେ ଭବିଷ୍ୟତ ସମ୍ପର୍କରେ ତାଙ୍କର ପ୍ରଶ୍ନ ପଚାରି ପାରିବେ। ଏହା ସମ୍ପର୍କରେ ଆଲୋଚନା କରି ନିଜର ଜ୍ଞାନ ମଧ୍ୟ ବୃଦ୍ଧି କରିପାରିବେ। ଏହି ଆପ୍ ଏବେ ଏକ ଇନ୍ଭାଇଟ ଓନ୍ଲି ବିଟା ଭର୍ସନରେ ରହିଛି। ଫେସବୁକ୍ ପକ୍ଷରୁ ମିଳିଥିବା ସୂଚନାରୁ ଜଣାପଡିଛି କି ଏଥିରେ ପୂର୍ବନୁମାନ ବା ଭବିଷ୍ୟବାଣୀ ଅପେକ୍ଷା ଜନତାଙ୍କ ଜ୍ଞାନ ବୃଦ୍ଧିରେ ଏହା ବିଶେଷ ସହାୟକ ହେବ। ଭଲଭାବେ କୌଣସି ବିଷୟକୁ ନେଇ ଚର୍ଚ୍ଚା କରାଯାଇ ପାରିବ। ଏହା ପ୍ରଥମେ ଆମେରିକା ଓ କାନାଡାର ଜନତାଙ୍କୁ ଭବିଷବାଣୀ କହିବ ଓ ଏ ସମ୍ପର୍କରେ କଥା ହେବାକୁ ସୁଯାଗ ଦେବ। ସମସ୍ତ ଭବିଷ୍ୟବାଣୀ ଓ ଚର୍ଚ୍ଚା ଫୋରକାଷ୍ଟ ଓ୍ବେବସାଇଟରେ ଉପଲବ୍ଧ ହେବ ଏହା ବିଭିନ୍ନ ପ୍ଲାଟଫର୍ମରେ ଶେୟାର କରାଯାଇ ପାରିବ। ତେବେ କୋଭିଡ-୧୯ ମହାମାରୀ ଓ ବିଶ୍ୱରେ ଏହାର ପ୍ରଭାବକୁ ନେଇ ଭବିଷ୍ୟବାଣୀ ସମ୍ପର୍କରେ ସ୍ବାସ୍ଥ୍ୟ, ଗବେଷଣା ଓ ଶିକ୍ଷାବିତଙ୍କୁ ଆମନ୍ତ୍ରିତ କରାଯିବ।