ଜେରୁଜେଲମ୍,୧୭ା୧୧: ଇସ୍ରାଏଲ-ହମାସ୍ ମଧ୍ୟରେ ଚାଲିଥିବା ଯୁଦ୍ଧ ୪୦ ଦିନରୁ ଅଧିକ ସମୟ ବିତିଯାଇଥିଲେ ମଧ୍ୟ ସରିବାର ନାଁ ନେଉନି। ବରଂ ପରିସ୍ଥିତି ଆହୁରି ଖରାପ ହେବାରେ ଲାଗିଛି। ଏହି ଯୁଦ୍ଧରେ ବର୍ତ୍ତମାନ ସୁଦ୍ଧା ୧୨୦୦ରୁ ଅଧିକ ଇସ୍ରାଏଲ ଏବଂ ୧୧ ହଜାରରୁ ଅଧିକ ପାଲେଷ୍ଟାଇନ ନାଗରିକ ପ୍ରାଣ ହରାଇ ସାରିଲେଣି।
ଏହି ଯୁଦ୍ଧରେ ଅନେକ ଲୋକଙ୍କ ପରିବାର ସମ୍ପୂର୍ଣ୍ଣ ଲୋପ ପାଇଯାଇଥିବା ବେଳେ ଅନେକ ଲୋକ ସେମାନଙ୍କ ନିକଟ ସମ୍ପର୍କୀୟଙ୍କ ପାଇଁ ଆଶା ରଖିଛନ୍ତି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ଏବି ଓନ୍। ଯିଏ ଅକ୍ଟୋବର ୭ ଆକ୍ରମଣରେ ଖୁଡ଼ୀ ଏବଂ ସମ୍ପର୍କୀୟ ଭାଇଙ୍କୁ ହରାଇଥିଲେ। ବର୍ତ୍ତମାନ ତାଙ୍କ ତିନି ପରିବାର ସଦସ୍ୟଙ୍କୁ ବନ୍ଧକ ରଖାଯିବା ପରେ ତାଙ୍କ ସହ କିପରି ବ୍ୟବହାର କରାଯାଉଥିବ ସେନେଇ ଚିନ୍ତାରେ ପଡ଼ିଛନ୍ତି। ସେମାନଙ୍କୁ ଫେରାଇ ଆଣିବା ପାଇଁ ସେ ନିବେଦନ କରିଛନ୍ତି।