୬୪ ବର୍ଷ ବୟସରେ ପରଦାରେ ଅନ୍ତରଙ୍ଗ ଦୃଶ୍ୟ କରିବାର ଅନୁଭବ ବଖାଣିଲେ ଏହି ପ୍ରସିଦ୍ଧ ଅଭିନେତା

ବଲିଉଡ ତାରକା ଜ୍ୟାକି ଶ୍ରଫ ହିନ୍ଦୀ ସିନେମାର ଏକ ଜଣାଶୁଣା ନାମ। ଜଗ୍ଗୁ ଦାଦା ବୋଲି ସେ ଇଣ୍ଡଷ୍ଟ୍ରିରେ ପ୍ରସିଦ୍ଧ। ନିକଟରେ ଜ୍ୟାକି ଶ୍ରଫ ତାଙ୍କର ଆଗାମୀ ଚଳଚ୍ଚିତ୍ର ‘ଦି ଇଣ୍ଟରଭ୍ୟୁ: ନାଇଟ ଅଫ ୨୬/୧୧’ ବିଷୟରେ ଖୁଲାସା କରିଛନ୍ତି । ଏହି ଚଳଚ୍ଚିତ୍ରରେ ଅନ୍ତରଙ୍ଗ ଦୃଶ୍ୟ କରିବାବେଳେ ସେ ଆରାମ ନୁହେଁ, ବରଂ ଲଜ୍ଜିତ ଅନୁଭବ କରୁଥିବା ସେ କହିଛନ୍ତି। ଜଣେ ଅଭିନେତା ଭାବରେ ଏହା ତାଙ୍କର କାମର ଏକ ଅଂଶ ଏବଂ ଯଦି ଦୃଶ୍ୟ ଆବଶ୍ୟକ ହୁଏ ତେବେ ସେ ନିଶ୍ଚିତ କରିବେ ବୋଲି ସେ କୁହନ୍ତି।
ଫିଲ୍ମରେ ଅନ୍ତରଙ୍ଗ ଦୃଶ୍ୟର ଶୁଟିଂ ବିଷୟରେ ଜ୍ୟାକି କହିଛନ୍ତି ମୁଁ ପ୍ରକୃତରେ ଲଜ୍ଜିତ। ଯେତେବେଳେ ମୁଁ ଏହିସବୁ କାମ କରେ ସେତେବେଳେ ମୁଁ ବିବ୍ରତ ହୁଏ। ମୁଁ ଜଣେ ଅଭିନେତା ହେତୁ ମୁଁ ସେଗୁଡିକ କରୁଛି। ଅନେକ ଲୋକ ଆଖି ନ ପକାଇ କ୍ୟାମେରାରେ ତୁମକୁ ଦେଖୁଛନ୍ତି, ନିର୍ଦ୍ଦେଶକ ତୁମକୁ ଦେଖୁଛନ୍ତି, ସେଟରେ ଥିବା ଲୋକମାନେ ଦେଖୁଛନ୍ତି, ସେମାନଙ୍କ ବ୍ୟତୀତ ସମଗ୍ର ବିଶ୍ୱ ତୁମକୁ ଦେଖୁଛି ଏବଂ ଏହା ଅତ୍ୟନ୍ତ ଲଜ୍ଜାଜନକ। କିନ୍ତୁ ତୁମକୁ ଏହା କରିବାକୁ ପଡିବ କାରଣ ଏହା ଜଣେ ଅଭିନେତା ଭାବରେ ତୁମର କାମ। ଯଦି ଭୂମିକା ଚାହିଦା ଅଛି, ତେବେ ତୁମେ ଏହା କରିବା ଉଚିତ୍‌।
‘ଦି ଇଣ୍ଟରଭ୍ୟୁ: ନାଇଟ ଅଫ ୨୬/୧୧’ରେ ଜ୍ୟାକି ଶ୍ରଫ ଜଣେ ସାମ୍ବାଦିକ ଭୂମିକାରେ ଅଭିନୟ କରୁଛନ୍ତି। ବଲିଉଡ ତାରକାଙ୍କ ସାକ୍ଷାତକାର ନେବାକୁ ତାଙ୍କୁ କୁହାଯାଏ। ଏହି ଚଳଚ୍ଚିତ୍ରଟି ଡଚ ଚଳଚ୍ଚିତ୍ର ‘ଦି ଇଣ୍ଟରଭୁ’ର ରିମେକ ଅଟେ। ଏହି ଚଳଚ୍ଚିତ୍ରରେ ବଲିଉଡ ଅଭିନେତ୍ରୀଙ୍କ ସହ ଜ୍ୟାକି ଶ୍ରଫଙ୍କ ବିଶେଷ କେମେଷ୍ଟ୍ରୀ ପ୍ରଦର୍ଶନ କରାଯାଇଛି। ଜ୍ୟାକି ଶ୍ରଫ ଚଳିତ ବର୍ଷ ଅନେକ ପ୍ରୋଜେକ୍ଟରେ ଅଭିନୟ କରିଛନ୍ତି। ତାଙ୍କୁ ଶେଷ ଥର ପାଇଁ ପ୍ରଭାସଙ୍କ ‘ରାଧେ: ୟୋର୍‌ ମୋଷ୍ଟ ୱାଣ୍ଟେଡ ଭାଇ’ରେ ଜଣେ ପୋଲିସ ଅଧିକାରୀ ଭାବରେ ଦେଖାଯାଇଥିଲା। ଏହି ଚଳଚ୍ଚିତ୍ରରେ ସଲମାନ ଖାନ, ଦିଶା ପଟାନି ଏବଂ ରଣଦୀପ ହୁଡା ମଧ୍ୟ ଅଭିନୟ କରିଥିଲେ। ଜ୍ୟାକି ରୋହିତ ଶେଟ୍ଟୀଙ୍କ ‘ସୂର୍ଯ୍ୟବଂଶୀ’ରେ ନଜର ଆସିବେ। ଏହି ଫିଲ୍ମରେ ଅକ୍ଷୟ କୁମାର ଏବଂ କ୍ୟାଟ୍ରିନା କୈଫ ମୁଖ୍ୟ ଭୂମିକାରେ ଅଭିନୟ କରିବେ। ଦୀର୍ଘ ସମୟ ଧରି ଫିଲ୍ମ ରିଲିଜ ପାଇଁ ଯୋଜନା ପ୍ରସ୍ତୁତ ହେଉଛି। ଗତ ବର୍ଷ କରୋନା ମହାମାରୀ ହେତୁ ଏହା ରିଲିଜ ହୋଇ ନ ଥିଲା।