ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ‘ହି ମ୍ୟାନ’ ଭାବରେ ଜଣାଶୁଣା ଧର୍ମେନ୍ଦ୍ର ଅଭିନୟ ଜଗତରେ ଚମତ୍କାର ଇନିଂସ ଖେଳିବା ପରେ ରାଜନୀତିରେ ପ୍ରବେଶ କରିଥିଲେ। ଧର୍ମେନ୍ଦ୍ର ତାଙ୍କ ଚଳଚ୍ଚିତ୍ର ଜୀବନରେ ପ୍ରାୟ ୧୦୦ ସଫଳ ଚଳଚ୍ଚିତ୍ରରେ ମୁଖ୍ୟ ଅଭିନେତା ଭାବରେ କାର୍ଯ୍ୟ କରିଛନ୍ତି। କିନ୍ତୁ ଏକ ଚଳଚ୍ଚିତ୍ର ଥିଲା ଯେଉଁଥିରେ ଧର୍ମେନ୍ଦ୍ର କାମ କରି ନ ଥିବାରୁ ଏବେ ମଧ୍ୟ ଅନୁତାପ କରନ୍ତି। ସେହି ଚଳଚ୍ଚିତ୍ରଟି ହେଉଛି ରାଜେଶ ଖାନ୍ନା ଏବଂ ଅମିତାଭ ବଚ୍ଚନଙ୍କ ଅଭିନୀତ ‘ଆନନ୍ଦ’। ରୁଷିକେଶ ମୁଖାର୍ଜୀଙ୍କ ପ୍ରସିଦ୍ଧ ଚଳଚ୍ଚିତ୍ର ‘ଆନନ୍ଦ’ର ସଂଳାପ ଏବଂ ଗୀତଗୁଡ଼ିକ ଏବେ ମଧ୍ୟ ଦର୍ଶକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଛି। ଏହି ସିନେମାରେ ଅମିତାଭ ବଚ୍ଚନ ଏବଂ ରାଜେଶ ଖାନ୍ନାଙ୍କ ଚମତ୍କାର ଅଭିନୟ କରିଥିଲେ। ୧୨ ମାର୍ଚ୍ଚ ୧୯୭୧ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ରଟି ଶ୍ରେଷ୍ଠ ଚଳଚ୍ଚିତ୍ର, ଶ୍ରେଷ୍ଠ ସଂଳାପ, ଶ୍ରେଷ୍ଠ ଅଭିନେତା, ଶ୍ରେଷ୍ଠ ସହାୟକ ଅଭିନେତା, ଶ୍ରେଷ୍ଠ ସମ୍ପାଦନା, ସର୍ବୋତ୍ତମ କାହାଣୀ, ଶ୍ରେଷ୍ଠ ଫିଚର ଚଳଚ୍ଚିତ୍ର ପାଇଁ ଫିଲ୍ମଫେୟାର ପୁରସ୍କାର ଲାଭ କରିଥିଲା। ଚଳଚ୍ଚିତ୍ର ନିର୍ମାଣ ବିଷୟରେ ଏକ କାହାଣୀ ଅଛି। ଏହି ଚଳଚ୍ଚିତ୍ର ନିର୍ମାଣ ସମୟରେ ଧର୍ମେନ୍ଦ୍ର ଜାଣିବାକୁ ପାଇଲେ ଯେ ରୁଷିକେଶ ଏଥିପାଇଁ ରାଜେଶ ଖାନ୍ନାଙ୍କୁ ନେଉଛନ୍ତି, ସେତେବେଳେ ସେ ରାଗି ଯାଇଥିଲେ।
‘ଦି କପିଲ ଶର୍ମା ସୋ’ରେ ପହଞ୍ଚିଥିବା ଧର୍ମେନ୍ଦ୍ର ଏହି ଚଳଚ୍ଚିତ୍ର ନିର୍ମାଣର କାହାଣୀ କହିଥିଲେ। ମୋତେ ଫିଲ୍ମରେ ନେଇ ନ ଥିବାରୁ ସେ ଫିଲ୍ମ ନିର୍ଦ୍ଦେଶକ ରୁଷିକେଶ ମୁଖାର୍ଜୀଙ୍କ ଉପରେ ରାଗିଥିଲେ। ଧର୍ମେନ୍ଦ୍ର କହିଥିଲେ ରୁଷିକେଶ ମୋତେ ‘ଆନନ୍ଦ’ର କାହାଣୀ କହିଥିଲେ। ମୋତେ ଏହି ଚଳଚ୍ଚିତ୍ରରେ କାଷ୍ଟ କରିବାକୁ ସେ ପ୍ରତିଶ୍ରୁତି ଦେଇଥିଲେ କିନ୍ତୁ ପରେ ଏହା ଜାଣିବାକୁ ପାଇଲି ଯେ ସେ ରାଜେଶ ଖାନ୍ନାଙ୍କ ସହ ଏକ ଫିଲ୍ମ କରୁଛନ୍ତି। ଯେତେବେଳେ ମୁଁ ଜାଣିବାକୁ ପାଇଲି ଯେ ମୁଖ୍ୟ ଅଭିନେତା ରାଜେଶ ଖାନ୍ନାଙ୍କୁ ନିଆଯାଇଛି, ମୁଁ ଗୋଟିଏ ରାତିରେ ମଦ୍ୟପାନ କରି ରୁଷି ଦା’ଙ୍କୁ ଫୋନ୍ କଲି। ମୋତେ ଏହି ଫିଲ୍ମ କାହାଣୀ ଶୁଣାଇଲ ତେବେ କାହିଁକି ତାଙ୍କୁ ଏହି ଫିଲ୍ମରେ ନେଲ ବୋଲି ପଚାରିଥିଲି? ମୋ କଥା ଶୁଣିବା ପରେ ସେ କହିଥିଲେ – ଧର୍ମେନ୍ଦ୍ର ଶୋଇପଡ, ଆମେ ସକାଳେ କଥା ହେବା। ସେ ଫୋନ କାଟିଦେଇଥିଲେ ଏବଂ ମୁଁ ବାରମ୍ବାର ଫୋନ କରୁଥିଲି ବୋଲି ଧର୍ମେନ୍ଦ୍ର କହିଥିଲେ। ଜୀବନ ଏବଂ ବନ୍ଧୁତ୍ୱର ଅନିଶ୍ଚିତତା ଉପରେ ନିର୍ମିତ ଏହି ଚଳଚ୍ଚିତ୍ରର ସଫଳତା ଇତିହାସ ସୃଷ୍ଟି କଲା। ଏହି ଚଳଚ୍ଚିତ୍ର ପରେ ଅମିତାଭ ବଚ୍ଚନଙ୍କ ଅଭିନୟ ଏକ ନୂଆ ଦିଗ ପାଇଲା।
