ପୂର୍ବତନ ମିସ ୟୁନିଭର୍ସ ତଥା ବଲିଉଡ ଅଭିନେତ୍ରୀ ସୁସ୍ମିତା ସେନ ଆଜି ହେଉଛି ୪୫ତମ ଜନ୍ମଦିବସ। ୧୯୭୫ ମସିହାର ଆଜିର ଦିନରେ ସେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ। ଏ ପର୍ଯ୍ୟନ୍ତ ସେ ପାଖାପାଖି ୩୦ଟି ଫିଲ୍ମରେ କାମ କରି ସାରିଛନ୍ତି। ସୁସ୍ମିତା ସବୁବେଳେ ଭି ହଟି କିଛି ନିଆରେ ଶୈଳୀରେ ଜୀବନ ଜିଇବା ଉପରେ ବିଶ୍ବାସ ରଖନ୍ତି। ନିଜର ବିନ୍ଦାସ ଛବି ପାଇଁ ଜଣାଶୁଣା ସୁସ୍ମିତା ସେନ ବହୁତ ଭ୍ରମଣ ପ୍ରିୟ। ନିୟମିତ ବ୍ୟବଧାନରେ ସେ ନିଜ ଫ୍ୟାମିଲି ଟ୍ରିପ୍ର ଫଟୋ ସୋସାଲ ମିଡିଆରେ ଶେୟାର କରିଥାନ୍ତି। ଏହାସହ ସୁସ୍ମିତା ସେନ ତାଙ୍କ ଆଫେଆର ପାଇଁ ସେ ସବୁବେଳେ ଚର୍ଚ୍ଚାରେ ରହିଥାନ୍ତି। ଏବେ ସୁସ୍ମିତା ସୋସିଆଲ ମିଡିଆରେ ନିଜକୁ ଆକ୍ଟିଭ ରଖୁଥିବା ବେଳେ ଅଧିକାଂଶ ପ୍ରସଙ୍ଗରେ ସେ ନିଜର ସ୍ବତନ୍ତ୍ର ମତ ରଖିଥାନ୍ତି। ସୁସ୍ମିତା ସେନ ଆଜିକାଲି ଲକଡାଉନ ସମୟରେ ନିଜ ପରିବାର ଓ ବୟଫ୍ରେଣ୍ଡ ରୋହମାନ ଶ୍ୱାଲଙ୍କ ସହ ସମୟ ବିତାଉବାରେ ଲାଗିଛନ୍ତି । ଏହି ସମୟରେ ଅଭିନେତ୍ରୀ ନିଜର ଫଟୋ ଓ ଭିଡିଓକୁ ନେଇ ସୋସିଆଲ ମିଡିଆରେ ବେଶ ଚର୍ଚ୍ଚାରେ ରହିଛନ୍ତି । ବିଶେଷ କରି ସୁସ୍ମିତା ନିଜର ଓ ବୟଫ୍ରେଣ୍ଡଙ୍କ ଫଟୋକୁ ନେଇ ବେଶୀ ଚର୍ଚ୍ଚାରେ ଏବେ ଅଛନ୍ତି। ଏଭଳି ପରିସ୍ଥିତିରେ ସୋସିଆଲ ମିଡିଆ ବ୍ୟବହାରକାରୀମାନେ ସେମାନଙ୍କ ବୟସ ପାର୍ଥକ୍ୟକୁ ନେଇ ବହୁତ କିଛି କୁହନ୍ତି। ଏନେଇ ସୁସ୍ମିତା କୁହନ୍ତି ଯେ, ରୋହମାନ ପ୍ରଥମ ଦିନରୁ ହିଁ ତାଙ୍କ ବୟସ ଲୁଚାଇଥିଲେ। ତାଙ୍କ କହିବା ମୁତାବକ, ଇନଷ୍ଟାଗ୍ରାମ ମାଧ୍ୟରେ ଉଭୟଙ୍କ ମଧ୍ୟରେ କଥାବାର୍ତ୍ତା ଆରମ୍ଭ ହୋଇଥିଲାନ୍। ଦୁହିଁଙ୍କ ଭିତରେ ଘନିଷ୍ଠତା ବଢିବା ପରେ ଉଭୟ ଦେଖା କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ସେତେବେଳ ଯାଲଁ ସୁସ୍ମିତାଙ୍କୁ ରୋହମାନଙ୍କ ବୟସ ବିଷୟରେ ଜଣା ନଥିଲା। ପରେ ରୋହମାନ ତାଙ୍କଠାରୁ ୧୫ ବର୍ଷ ସାନ ବୋଲି ସୁସ୍ମିତା ଜାଣିବାକୁ ପାଇଲେ। ଏବେ ରୋହମାନ ଓ ଦୁଇ ଝିଅଙ୍କ ସହ ସୁସ୍ମିତା ଏକାଠି ରହୁଛନ୍ତି।