ଏକ ସମୟ ଥିଲା ଯେତେବେଳେ ଶ୍ରୀଦେବୀ ବଲିଉଡରେ ରାଜ୍ କରୁଥିଲେ। ଆଜି ସେ ହୁଏତ ଆମ ସହିତ ନାହାନ୍ତି, କିନ୍ତୁ ଯେତେବେଳେ ବି ତାଙ୍କର ଗୋଟିଏ ଚଳଚ୍ଚିତ୍ର ଟେଲିଭିଜନରେ ପ୍ରସାରିତ ହୁଏ, ସମସ୍ତ ପୁରୁଣା ସ୍ମୃତି ଲୋକଙ୍କ ମନରେ ସତେଜ ହୋଇଯାଏ। ୧୩ ଅଗଷ୍ଟ ୧୯୬୩ ରେ ଜନ୍ମ ହୋଇଥିବା ଶ୍ରୀଦେବୀ ବଲିଉଡରେ ଅନେକ ସୁପରହିଟ ଚଳଚ୍ଚିତ୍ର ଦେଇଥିଲେ। କିନ୍ତୁ ୨୪ ଫେବୃଆରୀ, ୨୦୧୮ରେ ଶ୍ରୀଦେବୀଙ୍କ ହଠାତ୍ ଦେହାନ୍ତ ହେବା ଖବର ଫିଲ୍ମ ଇଣ୍ଡଷ୍ଟ୍ରି ଏବଂ ତାଙ୍କ ପ୍ରଶଂସକଙ୍କ ହୃଦୟ ଭାଙ୍ଗି ଦେଇଥିଲା। ଶ୍ରୀଦେବୀ ତାଙ୍କ ଚଳଚ୍ଚିତ୍ର କ୍ୟାରିୟରରେ ୩୦୦ରୁ ଅଧିକ ଚଳଚ୍ଚିତ୍ର କରିଥିଲେ। ହିନ୍ଦୀ ସହିତ ସେ ସାଉଥ ସିନେମାର ଚଳଚ୍ଚିତ୍ରରେ ମଧ୍ୟ ବହୁତ କାମ କରିଥିଲେ।
ଶ୍ରୀଦେବୀ ଅନେକ ହିଟ୍ ଚଳଚ୍ଚିତ୍ରରେ ଅଭିନୟ କରିଛନ୍ତି। ସେ ଚାନ୍ଦନୀ ଠାରୁ ଆରମ୍ଭ କରି ଚାଲବାଜ ଏବଂ ନାଗିନ ପରି ଅନେକ ସୁପରହିଟ ଚଳଚ୍ଚିତ୍ରରେ ନିଜ ଛାପ ଛାଡିଥିଲେ। ତାଙ୍କୁ ସେ ସମୟର ଲେଡି ଅମିତାଭ ବଚ୍ଚନ କୁହାଯାଉଥିଲ। ଶ୍ରୀଦେବୀ ବଲିଉଡର ପ୍ରଥମ ମହିଳା ସୁପରଷ୍ଟାର ଥିଲେ। ୮୦ ଦଶକରେ ଶ୍ରୀଦେବୀ ହିଁ ଏକମାତ୍ର ଅଭିନେତ୍ରୀ ଥିଲେ ଯିଏ ଯାହାଙ୍କ ନାଁ ଶୁଶି ଦର୍ଶକମାନେ ପ୍ରେକ୍ଷାଳୟକୁ ଯାଉଥିଲେ। ଏହି କାରଣରୁ ଶ୍ରୀଦେବୀ ଅଭିନେତାଙ୍କଠାରୁ ଅଧିକ ଚାର୍ଜ କରୁଥିଲେ। ନଗିନା ଫିଲ୍ମ ପାଇଁ ସେ ରିଷି କପୁରଙ୍କଠାରୁ ଅଧିକ ଚାର୍ଜ କରିଥିଲେ।
