ଅକଲାଣ୍ଡ,୧୨।୫: ନ୍ୟୁଜିଲାଣ୍ଡର ଉଇକେଟ କିପର ବିଜେ ୱାଟଲିଂ କ୍ରିକେଟର୍ରୁ ଅବସର ଘୋଷଣା କରିଛନ୍ତି। ଭାରତ ବିପକ୍ଷରେ ଅନୁଷ୍ଠିତ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଅନ୍ତିମ ମ୍ୟାଚ ପରେ ୱାଟଲିଂ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେବେ। ୱାଟଲିଂ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲ ପୂର୍ବରୁ ଇଂଲଣ୍ଡ ବିପକ୍ଷରେ ଦୁଇଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ। ନ୍ୟୁଜିଲାଣ୍ଡ କ୍ରିକେଟର ସଫଳତା ପାଇଁ ୱାଟଲିଂ ପ୍ରମୁଖ ଯୋଗଦାନ ଦେଇଛନ୍ତି। ବ୍ରେଣ୍ଡନ ମ୍ୟାକକାଲମଙ୍କ ଅବସର ପରେ ୱାଟଲିଂ ନ୍ୟୁଜିଲାଣ୍ଡ ଦଳର ଏକ ଗୁରୁତ୍ୱପୂର୍ଣ୍ଣ ଖେଳାଳି ଭାବରେ ଉଭା ହୋଇଥିଲେ। ୨୦୦୯ରେ ଟେଷ୍ଟ ଡେବ୍ୟୁ କରିଥିବା ୱାଟଲିଂ ଟେଷ୍ଟ କ୍ରିକେଟ ରେ ହାରାହାରି ୩୮.୧୧ ରନ ସଂଗ୍ରହ କରି ୮ ଶତକ ଏବଂ ୧୯ ଅର୍ଦ୍ଧଶତକ ହାସଲ କରିଛନ୍ତି। ୱାଟଲିଙ୍ଗ ନ୍ୟୁଜିଲାଣ୍ଡ ପାଇଁ ୫ଟି -୨୦ ଏବଂ ୨୮ଟି ଏକଦିବସୀୟ ଖେଳିଛନ୍ତି। ୱାଟଲିଂ ନ୍ୟୁଜିଲାଣ୍ଡର ସଙ୍କଟମୋଚକ ଭାବରେ ଜଣାଶୁଣା। ନ୍ୟୁଜିଲାଣ୍ଡର ଅଧିନାୟକ କେନ ୱିଲିୟମସନ ମଧ୍ୟ ତାଙ୍କୁ ଜଣେ ବଡ ବ୍ୟାଟ୍ସମ୍ୟାନ ଭାବରେ ବିବେଚନା କରନ୍ତି। ଥରେ ୱିଲିୟମସନଙ୍କୁ ପଚରାଗଲା, ଯଦି ତାଙ୍କ ଜୀବନ ବଞ୍ଚାଇବା ପାଇଁ ତାଙ୍କୁ ଜଣେ ବ୍ୟାଟ୍ସମ୍ୟାନ ବାଛିବାକୁ ପଡିବ, ତେବେ ସେ କିଏ ହେବେ? ୱିଲିୟମ୍ସନ ୱାଟଲିଂଙ୍କ ନାମ ନେଇଥିଲେ।
ସୂଚନାଯୋଗ୍ୟ, ବିଜୁ ୱାଟଲିଙ୍ଗ ଦକ୍ଷିଣ ଆଫ୍ରିକାର ଡର୍ବାନରେ ଜନ୍ମଗ୍ରହଣ କରିଥିଲେ, କିନ୍ତୁ ତାଙ୍କୁ ୧୦ ବର୍ଷ ହୋଇଥିଲାବେଳେ ତାଙ୍କ ପରିବାର ନ୍ୟୁଜିଲାଣ୍ଡକୁ ପଳାଇ ଆସିଥିଲେ। ୱାଟଲିଂ ନ୍ୟୁଜିଲାଣ୍ଡରେ କ୍ରିକେଟ ଶିଖିଥିଲେ। ୨୦୦୮ ରେ, ସେ ହାମିଲଟନ ସିନିୟର କ୍ଲବ ପାଇଁ ଖେଳିବାବେଳେ ୩୭୮ ରନର ଏକ ବିରାଟ ଇନିଂସ ଖେଳିଥିଲେ। ୨୦୦୪ ମସିହାରେ ୱାଟଲିଂ ନ୍ୟୁଜିଲାଣ୍ଡ ପାଇଁ ଟି -୨୦ ବିଶ୍ୱକପ ମଧ୍ୟ ଖେଳିଥିଲେ। ୱାଟଲିଂ ହାରାହାରି ୪୪.୬୬ ରେ ୨୬୮ ରନ ସ୍କୋର କରିଥିଲେ। ୱାଟଲିଂ ଏହି ବିଶ୍ୱକପ୍ରେ ସ୍କଟଲ୍ୟାଣ୍ଡ ବିପକ୍ଷରେ ୧୫୪ ରନ୍ର ଏକ ଇନିଂସ ଖେଳିଥିଲେ।
