କେପଟାଉନ୍,୧୯।୫: ଦକ୍ଷିଣ ଆଫ୍ରିକାର ପ୍ରସିଦ୍ଧ କ୍ରିକେଟର୍ ଏବି.ଡି.ଭିଲିୟର୍ସ ଅନ୍ତର୍ଜାତୀୟ କ୍ରିକେଟକୁ ଆଉ ପ୍ରତ୍ୟାବର୍ତ୍ତନ କରିବେ ନାହିଁ। ଏହି ପରିପ୍ରେକ୍ଷୀରେ କ୍ରିକେଟ ଦକ୍ଷିଣ ଆଫ୍ରିକା କହିଛି ଯେ, ଏବି ଡି ଭିଲିୟର୍ସ ଅନ୍ତର୍ଜାତୀୟ କ୍ରିକେଟ ଫେରିବାକୁ ସ୍ପଷ୍ଟ ଭାବେ ମନା କରି ଦେଇଛନ୍ତି ଏବଂ ସେ ଆଗାମୀ ୱେଷ୍ଟଇଣ୍ଡିଜ ଗସ୍ତରେ ଦଳର ଅଂଶ ହେବେ ନାହିଁ। ଏଭଳି ପରିସ୍ଥିତିରେ ସେ ଚଳିତ ବର୍ଷ ଟି-୨୦ ବିଶ୍ୱକପ ଖେଳିବାର ସମ୍ଭାବନା ଶେଷ ହୋଇଛି। ଆଇପିଏଲ ୨୦୨୧ ସମୟରେ ସେ କହିଥିଲେ ଯେ ସେ ଅନ୍ତର୍ଜାତୀୟ କ୍ରିକେଟରେ ପ୍ରତ୍ୟାବର୍ତ୍ତନ କରିବେ। ଏହାପରେ ପ୍ରଶଂସକଙ୍କ ମଧ୍ୟରେ ଖୁସିର ଲହରୀ ଖେଲିଯାଇଥିଲା। କିନ୍ତୁ ଏବେ ସେ ଅନ୍ତର୍ଜାତୀୟ କ୍ରିକେଟ ଫେରିବାକୁ ମନା କରିବା ପରେ ସୋସିଆଲ ମିଡିଆରେ ତାଙ୍କୁ ମିଛୁଆ ବୋଲି କୁହାଯାଉଛି। ଅନେକ ଯୁଜର୍ସ କହିଛନ୍ତି ଏତେ ବଡ ଖେଳାଳି ହୋଇ ମିଛ କହୁଛନ୍ତି। ଆଉ କିଛି ଲୋକ କହିଛନ୍ତି ଡିଭିଲିୟର୍ସ ଟଙ୍କା ପାଇଁ ଦେଶ ପକ୍ଷରୁ ଖେଳିବାକୁ ମନା କରିଦେଇଛନ୍ତି। ଆଇପିଏଲ, ସିପିଏଲ, ଏଲପିଏଲ, ପିଏସଏଲ, ବିପିଏଲ ଖେଳି ଏବିଡି କୋଟି କୋଟି ଟଙ୍କା ଆୟ କରୁଛନ୍ତି।
ଏବି ଡି ଭିଲିୟର୍ସ ୨୦୧୮ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ସେ ୧୧୪ ଟେଷ୍ଟ, ୨୨୮ ଏକଦିବସୀୟ ଏବଂ ୭୮ଟି -୨୦ମ୍ୟାଚ ଖେଳିଥିଲେ। ସେ ୪୭ ଶତକ ହାସଲ କରିଥିଲେ। ସେ ଅନ୍ତର୍ଜାତୀୟ କ୍ରିକେଟରେ ୨୦.୦୧୪ ରନ ସ୍କୋର କରିଥିଲେ।
