ଢାକା,୬।୭: ବାଂଲାଦେଶର ଟପ ଚେସ ଗ୍ରାଣ୍ଡମାଷ୍ଟର ଖେଳ ସମୟରେ ମୃତ୍ୟୁବରଣ କରିଛନ୍ତି। ବାଂଲାଦେଶର ସବୁଠାରୁ ପ୍ରସିଦ୍ଧ ଚେସ ଗ୍ରାଣ୍ଡମାଷ୍ଟର ଜିଆଉର ରେହମାନଙ୍କ ୫୦ ବର୍ଷ ବୟସରେ ଦେହାନ୍ତ ହୋଇଛି। ବାଂଲାଦେଶ ଜାତୀୟ ଚାମ୍ପିଅନସିପ ସମୟରେ ଏକ ମ୍ୟାଚ ଖେଳୁଥିବାବେଳେ ରେହମାନଙ୍କର ମୃତ୍ୟୁ ହୋଇଥିଲା। ତାଙ୍କ ହଦ୍ଘାତ ହୋଇଥିବା ଜଣାପାଡିଛି।
ବାଂଲାଦେଶ ଚେସ ଫେଡେରେଶନର ସେକ୍ରେଟେରୀ ଜେନେରାଲ ଶାହାବ ଉଦ୍ଦିନ ଶାମିମ କହିଛନ୍ତି, ରେହମାନ୍ ତାଙ୍କର ୧୨ଟି ମ୍ୟାଚ ରାଉଣ୍ଡରେ ସାଥୀ ଗ୍ରାଣ୍ଡମାଷ୍ଟର ଏନାମୁଲ ହୋସେନଙ୍କ ବିପକ୍ଷରେ ଖେଳୁଥିଲେ। ହଠାତ୍ ଚେତାଶୂନ୍ୟ ହେବା ପରେ ତାଙ୍କୁ ତୁରନ୍ତ ଢାକା ଡାକ୍ତରଖାନା ନିଆଯାଇଥିଲା, କିନ୍ତୁ ସେଠାରେ ଥିବା ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।