ଗଞ୍ଜାମ,୨୦।୩(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ ହୁମା ହାଟ ପଡିଆଠାରେ ପ୍ରସିଦ୍ଧ ପଞ୍ଚୁଦୋଳ ଯାତ୍ରା ଗୁରୁବାର ଆରମ୍ଭ ହୋଇଛି l ପୂର୍ବାହ୍ନରେ ପଞ୍ଚୁ ଦୋଳ ଯାତ୍ରାକୁ ୧୩ ଠାକୁର ନିଜ ନିଜର ସାହି ଗ୍ରାମ ବିରାଟ ଶୋଭାଯାତ୍ରାରେ ପରିକ୍ରମା ସାରି ହୁମାସ୍ଥିତ ଜାତୀୟ ରାଜପଥ ୧୬ ଏକତ୍ରିତ ହୋଇଥିଲେ l ସେଠାରୁ କ୍ରମନ୍ବୟରେ ଯାତ୍ରା ପଡିଆ ଅଭିମୁଖେ ବାହାରିଥିଲେ। ଗଡ଼ ହୁମା ଛକ ନିକଟରେ ହରିହର ଭେଟ ହୋଇଥିଲା l ସମସ୍ତ ଠାକୁରଙ୍କ ଆଗରେ କୀର୍ତ୍ତନ ମଣ୍ଡଳୀ ଦ୍ୱାରା ଘଣ୍ଟଘଣ୍ଟା ମୃଦଙ୍ଗ ବାଦ୍ୟ ପରିବେଷଣ ହୋଇଥିଲା l ସାଂସ୍କୃତିକ କାର୍ଯ୍ୟକ୍ରମ ସ୍ବରୂପ ଦୁଇଟି ରାମାୟଣ ନାଟକ ଓ ମେଲୋଡି ପରିବେଷଣ ହୋଇଥିଲା l ଯାତ୍ରା ଶୁକ୍ରବାର ବାର ମଧ୍ୟାହ୍ନ ରେ ସମାପିତ ହେବ l ଶୁକ୍ରବାର ଦିନ ମହା ମିଳନ ପରେ ଯାତ୍ରା ସମାପିତ ହେବା ସହ ପୁଣି ପଟୁଆର ଯୋଗେ ଠାକୁର ମାନେ ନିଜ ନିଜ ଗ୍ରାମକୁ ଫେରିବେ l ହୁମା ପଞ୍ଚାୟତ ସମିତି ସଭ୍ୟ ଧ୍ରୁବ ଚରଣ ପଲାଇ, ସରପଞ୍ଚ, ଯାତ୍ରା କମିଟି, ହୁମା, ରମ୍ଭା ପୋଲିସ ପକ୍ଷରୁ ଶାନ୍ତି, ଶୃଙ୍ଖଳା ପାଇଁ ବ୍ୟାପକ ବନ୍ଦୋବସ୍ତ ହୋଇଛି l
