ଧର୍ମଶାଳା,୧୪ା୨ (ଡି.ଏନ୍.ଏ.): ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଧର୍ମଶାଳା ବ୍ଲକରେ ପ୍ରଥମ ପର୍ଯ୍ୟାୟ ଅର୍ଥାତ୍ ୧୬ ତାରିଖରେ ଭୋଟ ଗ୍ରହଣ ହେବ। ବ୍ଲକର ୪୫ ପଞ୍ଚାୟତରେ ୱାର୍ଡ ସଭ୍ୟ, ସରପଞ୍ଚ, ସମିତି ସଭ୍ୟ ଓ ଜିଲା ପରିଷଦ ପ୍ରାର୍ଥୀ ଭାବେ ମୋଟ ୯୫୭ଜଣ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ ୧ ଲକ୍ଷ ୭୭ ହଜାର ୧୧୨ଜଣ ଭୋଟର ମତଦାନ କରିବେ। ୪୫ ପଞ୍ଚାୟତ ମଧ୍ୟରୁ ୨ଟିରେ ସରପଞ୍ଚ, ୨ଟିରେ ସମିତିସଭ୍ୟ ପ୍ରାର୍ଥୀ ଅପ୍ରତିଦ୍ୱନ୍ଦ୍ୱୀ ଭାବେ ନିର୍ବାଚିତ ହୋଇଛନ୍ତି। ସେହିପରି ୩୦୧ଟି ଓ୍ବାର୍ଡର ପ୍ରାର୍ଥୀ ବିନା ପ୍ରତିଦ୍ୱନ୍ଦ୍ୱିତାରେ ନିର୍ବାଚିତ ହୋଇଥିବାବେଳେ ୪୪ଟି ଓ୍ବାର୍ଡରେ କେହି ପ୍ରାର୍ଥୀ ନାହାନ୍ତି।
ଧର୍ମଶାଳା ବ୍ଲକର ୫ଟି ଜିଲା ପରିଷଦ ଜୋନ୍ରେ ୨୦ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ୪୩ ପଞ୍ଚାୟତରେ ସରପଞ୍ଚ ପଦବୀ ପାଇଁ ୧୬୨ ଜଣ ଓ ସମିତି ସଭ୍ୟ ପାଇଁ ୧୩୮ଜଣ ଓ ୨୯୨ଟି ୱାର୍ଡରେ ୬୩୭ଜଣ ପ୍ରାର୍ଥୀ ହୋଇଛନ୍ତି। ୧୬ ତାରିଖ ସକାଳ ୭ରୁ ବ୍ଲକର ୬୩୭ଟି ବୁଥରେ ଭୋଟ ଗ୍ରହଣ କରାଯାଇ ଦିନ ୧ଟା ସୁଦ୍ଧା ଶେଷ ହେବ। ୯୧ ହଜାର ୭୦ଜଣ ପୁରୁଷ ଓ ୮୬ହଜାର ୪୨ଜଣ ମହିଳା ମୋଟ ୧ଲକ୍ଷ ୭୭ ହଜାର ୧୧୨ଜଣ ଭୋଟର ମତଦାନ କରିବେ। ୬୩୭ ବୁଥ ପାଇଁ ୨୮ଶହ ପୋଲିଂ କର୍ମଚାରୀ ନିୟୋଜିତ ହେବେ। ପୋଲିଂ ପାର୍ଟି ଧର୍ମଶାଳା ମହାବିଦ୍ୟାଳୟରୁ ୧୫ ତାରିଖ ସୁଦ୍ଧା ପୋଲିଂ ସାମଗ୍ରୀ ଧରି ବୁଥ୍ରେ ପହଞ୍ଚତ୍ବେ ବୋଲି ଧର୍ମଶାଳା ବିଡିଓ ତଥା ନିର୍ବାଚନ ଅଧିକାରୀ ଅରବିନ୍ଦ ବେହେରା ସୂଚନା ଦେଇଛନ୍ତି। ଚଳିତଥର ବୁଥ୍ରେ ଭୋଟ ଗଣତି ହେଉ ନ ଥିବାରୁ ଭୋଟ ବାକ୍ସ ଛଡ଼ାଇନେବା ଓ ନଷ୍ଟ କରିବା ଘଟଣା ପୁନରାବୃତ୍ତି ହେବ ନାହିଁ ବୋଲି ଆଶା କରାଯାଉଛି।
