ଜଣେ ପିତା ତାଙ୍କ ୩୯ ଦିନର ଶିଶୁପୁତ୍ରଙ୍କୁ ମାରି ୭୧ ଖଣ୍ଡ ହାଡ଼ ଭାଙ୍ଗି ଦେଇଥିଲେ। ଫଳରେ ଶିଶୁଟିର ମୃତ୍ୟୁ ହୋଇଛି। ଏବେ ଅଭିଯୁକ୍ତ ପିତାଙ୍କୁ ଆଜୀବନ କାରାଦଣ୍ଡ ଦିଆଯାଇଛି।
ଏହି ଘଟଣାଟି ଓ୍ବାର୍ମଲିର ଦକ୍ଷିଣ ଗ୍ଲଷ୍ଟରଶେୟାରରେ ଘଟିଛି। ଏଠାକାର ୩୧ ବର୍ଷୀୟ ଜେମ୍ସ କ୍ଲାର୍କ ନିଜର ନବଜାତ ଶିଶୁପୁତ୍ରକୁ ହତ୍ୟା କରିବା ଅଭିଯୋଗରେ ଦଣ୍ଡିତ ହୋଇଛନ୍ତି। ଜେମ୍ସ ତାଙ୍କ ୩୯ ଦିନ ଶିଶୁପୁତ୍ରକୁ ମାରିବା ସହ ତାର ୭୧ ଖଣ୍ଡ ହାଡ଼ ଭାଙ୍ଗି ଚୂନା କରିଦେଇଥିଲେ। ଏଥିରେ ଶିଶୁଟିର ମୁଣ୍ଡରୁ ରକ୍ତ ବାହାରିଥିଲା। ସକାଳୁ ମା’ ହେଲେନ ଜେରେମି ଶିଶୁକୁ ମୃତ ଅବସ୍ଥାରେ ଦେଖିଥିଲେ। ଏହି ଘଟଣା ୨୦୧୮ର। ଯାହାର ଦଣ୍ଡ ଏବେ ମିଳିଛି ଜେମ୍ସଙ୍କୁ। ଶିଶୁହତ୍ୟା ମାମଲାରେ ଜେମ୍ସଙ୍କୁ ୧୫ବର୍ଷ ଜେଲ୍ ଦଣ୍ଡ ଶୁଣାଇଛନ୍ତି କୋର୍ଟ।
ମୃତ୍ୟୁ ପରେ ବ୍ୟବଚ୍ଛେଦରୁ ଜଣାପଡ଼ିଥିଲା କି ଶିଶୁର ଶରୀରରେ ହାଡ଼ ଭାଙ୍ଗିଥିଲା। ମୁଣ୍ଡରେ ଆଘାତ ଲାଗିଥିବାରୁ ରକ୍ତସ୍ରାବ ହୋଇଥିଲା। ଫଳରେ ଶିଶୁଟିର ମୃତ୍ୟୁ ଘଟିଥିଲା।
କୋର୍ଟ କହିଛନ୍ତି, ଜେମ୍ସ ତାଙ୍କ ଶିଶୁଙ୍କୁ ଖୁବ୍ ଜୋରରେ ଛାତିରେ ଜାବୁଡ଼ି ଧରିବା ସହ ଜୋର୍ରେ ହଲାଇଥିଲେ। ଯେଉଁଥିପାଇଁ ଶିଶୁଟିର ଏପରି ଅବସ୍ଥା ହୋଇଥିଲା।
