କାନପୁର,୬।୭: ଉତ୍ତରପ୍ରଦେଶର ଅରୈୟାଠାରେ ଜଣେ ପୁଅ ନିଜ ବାପାଙ୍କୁ ର୍ନିଦ୍ଦୟ ଭାବରେ ହତ୍ୟା କରିଛନ୍ତି। ବାପାଙ୍କ ଏକମାତ୍ର ଦୋଷ ଥିଲା ଯେ, ସେ ତାଙ୍କ ପୁଅର ପ୍ରେମ ସମ୍ପର୍କକୁ ବିରୋଧ କରିଥିଲେ। ଏହି ଘଟଣା ଅରୈୟାର ଅଜିତମଲ କୋଟୱାଲିର ଭିକେପୁରରୁ ଆସିଛି। ଏଠାରେ ଅରବିନ୍ଦ କୁମାର ତାଙ୍କ ପରିବାର ସହିତ ରୁହନ୍ତି। ଅରବିନ୍ଦଙ୍କର ୧୧ ସନ୍ତାନ, ସେମାନଙ୍କ ମଧ୍ୟରୁ ୧୦ ଜଣ ପୁଅ ଏବଂ ଗୋଟିଏ ଝିଅ। ଅରବିନ୍ଦଙ୍କ ପଞ୍ଚମ ପୁଅ ଶିବମ ଏକ ଝିଅ ସହିତ ପ୍ରେମ ସମ୍ପର୍କ ରଖିଥିଲେ। ବାପା ଏହାକୁ ବିରୋଧ କରୁଥିଲେ। ଏହି କାରଣରୁ ବାପ ଏବଂ ପୁଅଙ୍କ ମଧ୍ୟରେ ବିବାଦ ଉପୁଜିଥିଲା। ଅଭିଯୁକ୍ତଙ୍କ ଭାଇ ପ୍ରଦୀପ କହିଛନ୍ତି ଯେ, ଚାରି ଦିନ ପୂର୍ବରୁ ବାପା ଶିବମଙ୍କୁ ପ୍ରେମିକାଙ୍କ ସହ କଥା ନ ହେବାକୁ କହିଥିଲେ। ଏଥିରେ ରାଗିଯାଇଥିଲେ ଶିବମ। ସୋମବାର ବିଳମ୍ବିତ ରାତିରେ ଶୋଇଥିବା ପିତାଙ୍କୁ ନିକଟସ୍ଥ ମନ୍ଦିରରୁ ତ୍ରିଶୁଳ ଆଣି ଭୁଷି ଦେଇଥିଲେ। ଅରବିନ୍ଦ ଚିତ୍କାର କରିବାକୁ ଲାଗିଲେ। ଚିତ୍କାରର ଶବ୍ଦ ଶୁଣି ଘରର ସମସ୍ତ ସଦସ୍ୟ ଦୌଡ଼ିଯାଇ ଦେକତ୍ବାରୁ ଯେ ସେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲେ।
ସଙ୍ଗେ ସଙ୍ଗେ ଅରବିନ୍ଦଙ୍କୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଜିତମାଲକୁ ଅଣାଯାଇଥିଲା। ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ପୁରା ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଅଜିତମଲ କୋଟୱାଲୀ ପୋଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇ ଅଭିଯୁକ୍ତ ଶିବମଙ୍କୁ ଖୋଜୁଛି।
