କ୍ୟୁବାର ରାଜଧାନୀ ହାଭାନାରେ ଏକ ନିଆରା ଦୃଶ୍ୟ ଦେଖିବାକୁ ମିଳିଛି। ଏଠାକାର ଜଣେ ବ୍ୟକ୍ତି ତାଙ୍କ ପୁଅର ଓ୍ବାଇ-ଫାଇ ସିଗ୍ନାଲ ନ ଆସିବାରୁ ଘର ଛାତ ଉପରେ ଏକ ଆଇଫେଲ୍ ଟାଓ୍ବାର ନିର୍ମାଣ କରିଛନ୍ତି। ୫୨ ବର୍ଷୀୟ ଏର୍ନିକ୍ ସାଲଗାଡୋଙ୍କ ପୁଅ ତାଙ୍କୁ ଓ୍ବାଇ-ଫାଇ ସିଗ୍ନାଲ ପାଇଁ ଆଣ୍ଟେନା ତିଆରି କରିବାକୁ କହିଥିଲେ। କିନ୍ତୁ ସେ ଘରର ଛାତ ଉପରେ ୧୩ ଫୁଟ ଉଚ୍ଚର ଆଇଫେଲ ଟାଓ୍ବାର ନିର୍ମାଣ କରିଛନ୍ତି।
ଏର୍ନିକ୍ଙ୍କ ଏହି କାର୍ଯ୍ୟକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ସୋସିଆଲ ମିଡିଆରେ ତାଙ୍କୁ ବେଶ୍ ପ୍ରଶଂସା କରାଯାଉଛି। ଏର୍ନିକ୍ ବୃତ୍ତିରେ ଜଣେ ଆକାଉଣ୍ଟାଣ୍ଟ୍। କିନ୍ତୁ ସେ ଏହି ଲୁହା କାମ ତାଙ୍କ ପିତାଙ୍କଠାରୁ ଶିଖିଥିଲେ। ଏକ ରିପୋର୍ଟ ଅନୁଯାୟୀ, ସେ କେବେ ପ୍ୟାରିସ ଯାଇ ନ ଥିଲେ। କେବଳ ସେ ଫିଲ୍ମ ଏବଂ ଫଟୋଗ୍ରାଫ୍ରେ ଆଇଫେଲ ଟାଓ୍ବାର ଦେଖିଥିଲେ।
ଯେତେବେଳେ ତାଙ୍କ ପୁଅ ତାଙ୍କୁ ଓ୍ବାଇ-ଫାଇ ଆଣ୍ଟେନା ତିଆରି କରିବାକୁ କହିଥିଲେ, ସେ ଭାବିଲେ କାହିଁକି ଆଇଫେଲ ଟାଓ୍ବାର ନିର୍ମାଣ କରିବେ ନାହିଁ, ଯାହା ଆଣ୍ଟେନା ପରି ବ୍ୟବହାର କରାଯାଇପାରିବ। ଅବଶ୍ୟ ଏହାକୁ ଯେତେବେଳେ ସେ ତିଆରି କରିସାରିଲେ ସେତେବେଳେ ଅନୁଭବ କଲେ ଯେ ଟାଓ୍ବାରକୁ ଆଣ୍ଟେନା ଭାବରେ ବ୍ୟବହାର କରିବା ଦ୍ୱାରା ଡିଜାଇନ୍ ନଷ୍ଟ ହେବ ଏବଂ ତାଙ୍କ ପରିଶ୍ରମ ବୃଥା ହୋଇଯିବ।
Havana gets its own Eiffel Tower thanks to Cuban blacksmith Jorge Enrique Salgado, who created a 13-foot-high replica of the famous monument based on plans, models, photos and other details via the internet https://t.co/O6FPIzdiSX pic.twitter.com/aQ7cEECTzq
— Reuters (@Reuters) August 11, 2020
ଏହି ଟାଓ୍ବାର ନିର୍ମାଣରେ ଏର୍ନିକଙ୍କ ପୁଅ ତାଙ୍କୁ ବହୁତ ସାହାଯ୍ୟ କରିଥିଲେ। ସେ କହିଛନ୍ତି ଯେ, ସେ ଆଇଫେଲ ଟାଓ୍ବାରର ମଡେଲ ଏବଂ ଫଟୋ ଆଣିଥିଲେ। ପରେ ଏହାକୁ ଆଲୋକିତ କରିବା ପାଇଁ କାରର୍ ହାଲୋଜେନ ବ୍ୟବହାର କରିଥିଲେ।
