ଦିଗପହଣ୍ଡି,୨୮ା୧୦(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ପଦ୍ମନାଭପୁର ପଞ୍ଚାୟତ ଭୁଶୁଣ୍ଡା ଗ୍ରାମର ଜଣେ ବ୍ୟକ୍ତିଙ୍କୁ ପୋଲିସ ଥାନାରେ ଅଟକ ରଖିଛନ୍ତି। ଥାନାରେ ଅଟକ ରଖାଯାଇଥିବା ଅଭିଯୁକ୍ତ ଜଣଙ୍କ ଗତ ସୋମବାର ସନ୍ଧ୍ୟାରେ ପ୍ରାୟ ୬ଟାରେ ତାଙ୍କ ବୃଦ୍ଧ ବାପାଙ୍କୁ ନିଶାସକ୍ତ ଅବସ୍ଥାରେ ନିସ୍ତୁକ ମାଡ଼ ମାରିଥିଲେ। ପୁଅଙ୍କ ମାଡ଼ରେ ଆହତ ହୋଇଥିବା ବାପା ଥାନାରେ ପହଞ୍ଚି ଏତଲା ଦେବା ପରେ ଥାନା ଆଇଆଇସି ବସନ୍ତ କୁମାର ସେଠୀ ଏତଲାକୁ ଭିତ୍ତିକରି କେସ୍ ନଂ. ୨୫୩/୨୦ରେ ଏକ ମକଦ୍ଦମା ରୁଜୁ କରିଥିଲେ। ଗିରଫ ଭୟରେ ଫେରାର ଥିବା ଅଭିଯୁକ୍ତ ପୁଅଙ୍କୁ ପୋଲିସ ଥାନାରେ ଅଟକ ରଖି ତଦନ୍ତ ଚଳାଇଛି।