ଇଂଲଣ୍ଡର ପୂର୍ବତନ ମହିଳା କ୍ରିକେଟ ଦଳର ଉଇକେଟ କିପର ସାରା ଟେଲରଙ୍କୁ କାଉଣ୍ଟି କ୍ରିକେଟରେ କୋଚିଂ ଦେଉଥିବା ଦେଖିବାକୁ ମିଳିବ। ସସେକ୍ସ ପକ୍ଷରୁ ତାଙ୍କୁ କୋଚିଂ ଷ୍ଟାଫ ଭାବେ ନିଯୁକ୍ତ କରିଛି। ସେ ନୂଆ ସିଜନରେ ପୁରୁଷ ଦଳ କୋଚିଂ ଦେବେ। ଟେଲର ତାଙ୍କର ନୂଆ ଭୂମିକାକୁ ନେଇ କହିଛନ୍ତି ଯେ, ସସେକ୍ସ ଦଳରେ ଭଲ ଉଇକେଟ କିପର ଅଛନ୍ତି। ଏହା ମୋ ପାଇଁ ଗର୍ବର ବିଷୟ ଯେ ମୁଁ ତାଙ୍କ ସହ କାମ କରିବି ଏବଂ ତାଙ୍କ ଖେଳକୁ ଆହୁରି ଉନ୍ନତ କରିବା ପାଇଁ ମୋର ଅଭିଜ୍ଞତାକୁ ବ୍ୟବହାର କରିବି।
୨୦୧୯ରେ ଚାପ ଯୋଗୁ ଟେଲର ହଠାତ୍ ୩୦ ବର୍ଷ ବୟସରେ ଆନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ଅବସର ପୂର୍ବରୁ ସେ ମହିଳା କ୍ରିକେଟର ଶ୍ରେଷ୍ଠ ଉଇକେଟ କିପର ଭାବରେ ବିବେଚିତ ହୋଇଥିଲେ। ଉଭୟ ଏକଦିବସୀୟ ଏବଂ ଟି-୨୦ରେ ଉଇକେଟ ପଛରେ ଶିକାର କରିବାରେ ସେ ଦ୍ୱିତୀୟ ସ୍ଥାନରେ ଅଛନ୍ତି। ସେ ଉଇକେଟ ପଛରେ ୧୨୬ଟି ଦିନିକିଆରେ ୮୫ ଷ୍ଟମ୍ପିଂ ଏବଂ ୫୧ଟି କ୍ୟାଚ ନେଇଛନ୍ତି। ଦକ୍ଷିଣ ଆଫ୍ରିକାର ତ୍ରିଶା ଚେଟି ସେମାନଙ୍କଠାରୁ ଆଗରେ ଅଛନ୍ତି।
