ମୁମ୍ବାଇ: ବଲିଉଡ୍ ଫିଲ୍ମ ‘ଦିଲ୍ ତୋ ପାଗଲ ହୈ’ ଆଜି ଅର୍ଥାତ୍ ଅକ୍ଟୋବର ୩୦ରେ ୨୫ ବର୍ଷ ପୂରଣ କରିଛି। ୧୯୯୭ ଅକ୍ଟୋବର ୩୦ରେ ଏହି ଫିଲ୍ମଟି ହଲ୍ରେ ମୁକ୍ତିଲାଭ କରିଥିଲା। ଏଥିରେ କିଙ୍ଗ୍ଖାନ୍ ଶାହାରୁଖ, ଅଭିନେତ୍ରୀ କରିସ୍ମା କପୁର ଏବଂ ମାଧୁରୀ ଦୀକ୍ଷିତ ଅଭିନୟ କରିଥିଲେ। ସେହି ସମୟରେ ଏହି ଫିଲ୍ମ ସୁପରହିଟ୍ ଥିଲା। ଫିଲ୍ମରେ ଶାହାରୁଖ ଏବଂ ମାଧୁରୀଙ୍କ ଯୋଡ଼ି ଖୁବ୍ ଭଲ ଜମିଥିଲା। ଏହା ମାଧୁରୀ ଏବଂ ଶାହାରୁଖଙ୍କ ତୃତୀୟ ଫିଲ୍ମ ଥିଲା। ଏହାପୂର୍ବରୁ ଉଭୟ ‘କୋୟଲା’ ଏବଂ ‘ଅଞ୍ଜାମ’ ପରି ସୁପରହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ। ‘ଦିଲ୍ ତୋ ପାଗଲ ହୈ’ ଏକ ତ୍ରିକୋଣୀୟ ପ୍ରେମ କାହାଣୀ ଭରା ଫିଲ୍ମ ଥିଲା। ଯାହାକୁ ଦର୍ଶକ ବହୁତ ପସନ୍ଦ କରିଥିଲେ।
ଶାହାରୁଖଙ୍କ ଜନ୍ମଦିନ ପୂର୍ବରୁ ଫିଲ୍ମଟି ରିଲିଜ ହୋଇଥିଲା। ଏହି ଫିଲ୍ମ ୩ଟି ଜାତୀୟ ପୁରସ୍କାର ଜିତିଥିଲା। ଫିଲ୍ମଫେୟାର ପୁରସ୍କାରରେ ଏହା ୧୧ଟି ନାମାଙ୍କନପତ୍ର ଗ୍ରହଣ କରିଥିଲା। ଯେଉଁଥିରେ ଫିଲ୍ମ ୮ଟି ପୁରସ୍କାର ଜିତିଥିଲା। ଶ୍ରେଷ୍ଠ ଅଭିନେତା ଭାବରେ ଶାହାରୁଖ, ଶ୍ରେଷ୍ଠ ଅଭିନେତ୍ରୀ ପାଇଁ ମାଧୁରୀ, ଶ୍ରେଷ୍ଠ ଅଭିନେତ୍ରୀ କରିସ୍ମା କପୁର, ଶ୍ରେଷ୍ଠ ସହାୟକ ଅଭିନେତା ପାଇଁ ଅକ୍ଷୟ କୁମାର ଏବଂ ଶ୍ରେଷ୍ଠ ନିର୍ଦ୍ଦେଶକ ଭାବରେ ୟଶ ଚୋପ୍ରା ପୁରସ୍କୃତ ହୋଇଥିଲେ।