ମୁମ୍ବାଇ,୧୦।୫: ଅଦା ଶର୍ମାଙ୍କ ଅଭିନୀତ ଫିଲ୍ମ ଦ କେରଲା ଷ୍ଟୋରି ରିଲିଜ୍ ପରେ ବି ବିବାଦ ଘେରରେ ରହିଛି। ତେବ ଏହି ଫିଲ୍ମକୁ କେତେକ ରାଜ୍ୟରେ ଟ୍ୟାକ୍ସ ଫ୍ରି କରାଯାଇଛି ଆଉ କେଉଁଠି ବ୍ୟାନ୍ କରାଯାଇଛି। କିନ୍ତୁ ବକ୍ସ ଅଫିସ୍ରେ ଫିଲ୍ମ ୫ଦିନ ଧରି ଧମାଲ୍ ମଚାଇବାରେ ଲାଗିଛି। ନିକଟରେ ରିଲିଜ୍ ହୋଇଥିବା ସଳମାନ୍ ଖାନ୍ଙ୍କ କିସି କା ଭାଇ କିସି କା ଜାନକୁ ପଛରେ ପକାଇ ଦେଇଛି। ଫିଲ୍ମ ଖୁବ୍ଶୀଘ୍ର କଲେକ୍ସନରେ ନୂଆ ରେକର୍ଡ ଛୁଇଁବ ବୋଲି ପ୍ରଯୋଜନା ସଂସ୍ଥା ଆଶା ରଖିଛନ୍ତି।
ସାଇକ୍ନଲିକ ଅର୍ଲି ଟ୍ରେଡସ୍ ମୁତାବକ, ଫିଲ୍ମ ସୋମବାର ଅପେକ୍ଷା ମଙ୍ଗଳବାର ଦିନ ଭଲ ବ୍ୟବସାୟ କରିଛି। କେରଲା ଷ୍ଟୋରି ମଙ୍ଗଳବାର ୧୧କୋଟି ଟଙ୍କା କଲେକ୍ସନ କରିଛି। ତେବେ ମୁଭି ୫ଦିନ ଧରି ହାଫ୍ ସେଞ୍ଚୁରି ମାରି ସାରି ସାରିଛି।
ମୁଭି କ୍ରିଟିକ୍ ତରଣ ଆଦର୍ଶଙ୍କ ଅନୁଯାୟୀ, ମୁଭି ଓପେନିଂ ଡେ ରେ ୮.୩କୋଟି କଲେକ୍ସନ କରିଥିଲା। ଶନିବାର ଏହା ବଢି ୧୧.୨୨କୋଟିରେ ପହଞ୍ଚିଥିଲା। ରବିାର ୧୬.୪୦କୋଟି ଏବଂ ସୋମବାର ୧୦.୭କୋଟି କଲେକ୍ସନ କରିଛି। ମଙ୍ଗଳବାର ବକ୍ସ ଅଫିସ୍ରେ କଲେକ୍ସ ଅନୁଯାୟୀ ଫିଲ୍ମ ଏପର୍ଯ୍ୟନ୍ତ ୫୭.୬୨କୋଟି ଟଙ୍କା ବ୍ୟବସାୟ କରିପାରିଛି।