ହିନ୍ଦୀ ସିନେମା ଇତିହାସ ବେଶ୍ ସମୃଦ୍ଧଶାଳୀ। ଆଜିର ସମୟରେ, ବଲିଉଡରେ ଅନ୍ତରଙ୍ଗ ଦୃଶ୍ୟ ରହିବା ଏକ ସାଧାରଣ କଥା ହୋଇଗଲାଣି, କିନ୍ତୁ ଏକ ସମୟ ଥିଲା ଯେତେବେଳେ ହିରୋ ଏବଂ ହିରୋଇନଙ୍କ ମଧ୍ୟରେ ରୋମାନ୍ସ ଦୃଶ୍ୟ ମଧ୍ୟ ଭାବିଚିନ୍ତି ଶୁଟିଂ କରାଯାଉଥିଲା। ତିରିଶି ଓ ପଚାଶ ଦଶକରେ ପରଦାରେ ରୋମାଣ୍ଟିକ୍ ସିନ୍ ବହୁତ କମ୍ ଥିଲା।
ଆପଣ ଜାଣିଛନ୍ତି କି ହିନ୍ଦୀ ସିନେମାର ପ୍ରଥମ ଚୁମ୍ବନ ଦୃଶ୍ୟ କେବେ ଏବଂ କେଉଁ ଫିଲ୍ମରେ ଶୁଟିଂ କରାଯାଇଥିଲା।
୧୯୩୦ ଦଶକରେ ବଲିଉଡର ପ୍ରଥମ ଚୁମ୍ବନ ଦୃଶ୍ୟ ଶୁଟିଂ କରାଯାଇଥିଲା। ଏହି ଦୃଶ୍ୟ ଅଭିନେତ୍ରୀ ଦେବିକା ରାନୀ ଏବଂ ଅଭିନେତା ହିମାଂଶୁ ରୟଙ୍କ ମଧ୍ୟରେ ଶୁଟିଂ କରାଯାଇଥିଲା। ହିମାଂଶୁ ଦେବିକାଙ୍କ ସୌନ୍ଦର୍ଯ୍ୟରେ ଏତେ ପ୍ରଭାବିତ ହୋଇଥିଲେ ଯେ ସେ ୧୯୩୩ ମସିହାରେ ଦେବିକାଙ୍କୁ ତାଙ୍କ ଫିଲ୍ମ ‘କର୍ମା’ରେ କାମ କରିବାକୁ ଅଫର୍ ଦେଇଥିଲେ। ଦେବିକା ମଧ୍ୟ ଏହି ଅଫରକୁ ଗ୍ରହଣ କରିଥିଲେ। ପରେ ହିମାଂଶୁ ଏହି ଫିଲ୍ମରେ ଦେବିକାଙ୍କ ହିରୋ ହୋଇଥିଲେ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ପରେ ଉଭୟେ ବିବାହ କରିଥିଲେ। ହିନ୍ଦୀ ସିନେମାର ପ୍ରଥମ ଚୁମ୍ବନ ଦୃଶ୍ୟକୁ ନେଇ ଚର୍ଚ୍ଚା ଉଠିଥିଲା। କେବଳ ଏତିକି ନୁହେଁ, ଏହି ଚୁମ୍ବନ ଦୃଶ୍ୟ ଚାରି ମିନିଟ ଲମ୍ବା ଥିଲା। ଫିଲ୍ମରେ ଏହି ଦୃଶ୍ୟ ଦେବା ପରେ ଦେବିକାଙ୍କୁ ବହୁତ ସମାଲୋଚନା କରାଯାଇଥିଲା ଏବଂ ଫିଲ୍ମ ଉପରେ ମଧ୍ୟ ନିଷେଧାଦେଶ ଦିଆଯାଇଥିଲା।
