ନୂଆଦିଲ୍ଲୀ: ପଞ୍ଚଦଶ ଅର୍ଥ କମିଶନ ଏହାର ରିପୋର୍ଟକୁ ଅର୍ଥମନ୍ତ୍ରୀ ନିର୍ମଳା ସୀତାରାମନଙ୍କୁ ମଙ୍ଗଳବାର ପ୍ରଦାନ କରିଛନ୍ତି। ଚଳିତ ମାସ ୪ରେ କମିଶନ ଉକ୍ତ ରିପୋର୍ଟକୁ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ୧୬ ତାରିଖରେ ପ୍ରଧାମନନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଦାନ କରିଛନ୍ତି। ଅର୍ଥ କମିଶନର ଅଧ୍ୟକ୍ଷ ଭାବେ ଏନ୍.କେ.ସିଂ କାର୍ଯ୍ୟ କରୁଛନ୍ତି। ୨୦୨୧-୨୨ଠାରୁ ୨୦୨୫-୨୬ ସମୟ ଅବଧି ଲାଗି ବିଭିନ୍ନ ପ୍ରସ୍ତାବ ଏହି କମିଶନ ପ୍ରଦାନ କରିଛନ୍ତି। ଏହି ରିପୋର୍ଟକୁ ପାର୍ଲାମେଣ୍ଟରେ ମଧ୍ୟ ଉପସ୍ଥାପନ କରାଯିବ। ଟିକସ ଆବଣ୍ଟନ, ସ୍ଥାନୀୟ ସରକାରୀ ଗ୍ରାଣ୍ଟ, ବିପର୍ଯ୍ୟୟ ପରିଚାଳନା ଗ୍ରାଣ୍ଟ ସମେତ ଶକ୍ତି କ୍ଷେତ୍ର, ଡିବିଟି ଏବଂ କଠିନ ବର୍ଜ୍ୟବସ୍ତୁ ପରିଚାଳନା ଲାଗି ରାଜ୍ୟଗୁଡିକୁ ପ୍ରୋତ୍ସାହନ ବ୍ୟବସ୍ଥା ଭଳି କ୍ଷେତ୍ରରେ କମିଶନ ସରକାରଙ୍କୁ ବିଭିନ୍ନ ପ୍ରସ୍ତାବ ଦେବାର କାର୍ଯ୍ୟକ୍ରମ ରହିଛି। ସେହିଭଳି ପ୍ରତି ରାଜ୍ୟ ସ୍ତରରେ ବିଭିନ୍ନ ଆର୍ଥତ୍କ ପ୍ରସଙ୍ଗକୁ କମିଶନ ବିଚାର କରିଛନ୍ତି। ସେହି ଅନୁସାରେ ସରକାରଙ୍କୁ ବିଭିନ୍ନ ପରାମର୍ଶ ପ୍ରଦାନ କରିଛନ୍ତି।