ନୂଆଦିଲ୍ଲୀ,୬।୪: ଭାରତରେ ଚଳିତ ବର୍ଷ ଅକ୍ଟୋବର-ନଭେମ୍ବରରେ ଅନୁଷ୍ଠିତ ହେବାକୁ ଥିବା ଟି -୨୦ ବିଶ୍ୱକପ ଧର୍ମଶାଳା କ୍ରିକେଟ ଷ୍ଟାଡିୟମରୁ ଆରମ୍ଭ ହେବାର ସମ୍ଭାବନା ରହିଛି। ବିସିସିଆଇର କୋଷାଧ୍ୟକ୍ଷ ଅରୁଣ ଧୁମାଲ ଏହା କହିଛନ୍ତି। ବିଶ୍ୱକପ୍ରସମସ୍ତ ମ୍ୟାଚ କେବଳ ଭାରତରେ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ଆମେ ହିମାଚଳ ପ୍ରଦେଶ କ୍ରିକେଟ ଆସୋସିଏସନ (ଏଚପିସିଏ) ଧର୍ମଶାଳା ଷ୍ଟାଡିୟମରେ ବିଶ୍ୱକପ୍ର ଉଦଘାଟନୀ ମ୍ୟାଚ କରିବାକୁ ଚେଷ୍ଟା କରୁଛୁ ବୋଲି ସେ କହିଛନ୍ତି। ଅରୁଣ ଧୁମଲ କହିଛନ୍ତି ଯେ ଧର୍ମଶାଳା ଷ୍ଟାଡିୟମରେ ଆୟୋଜିତ ଅନ୍ତର୍ଜାତୀୟ କ୍ରିକେଟ ମ୍ୟାଚ ଯୋଗୁ ପର୍ଯ୍ୟଟନ ସହର ଧର୍ମଶାଳା ପୁଣି ଥରେ ବିଶ୍ୱବ୍ୟାପୀ ମାନ୍ୟତା ପାଇବ। ସ୍ଥାନୀୟ ବ୍ୟବସାୟୀମାନେ ମଧ୍ୟ ଏଥିରୁ ଏକ ବଡ଼ ଲାଭ କରିବେ ବୋଲି ଆଶା କରାଯାଉଛି। ଦୀର୍ଘ ଦିନ ଧରି ଧର୍ମଶାଳା କ୍ରିକେଟ ଷ୍ଟାଡିୟମରେ ଅନ୍ତର୍ଜାତୀୟ ମ୍ୟାଚ ଆୟୋଜନ ହୋଇନାହିଁ। ସୂଚନାଯୋଗ୍ୟ, ବିଶ୍ୱକପ୍ର ୮ଟି ସମ୍ଭାବ୍ୟ ସ୍ଥାନରେ ଧର୍ମଶାଳାକୁ ଅନ୍ତର୍ଭୂକ୍ତ କରାଯାଇଛି। ତେବେ ଏହି ମ୍ୟାଚଗୁଡିକର କାର୍ଯ୍ୟସୂଚୀ ଏପର୍ଯ୍ୟନ୍ତ ଆସି ନାହିଁ।
