ଗଞ୍ଜାମ,୧।୧୨(ଡି.ଏନ୍.ଏ.): ସ୍ବାମୀର ଅଧିକାର ନେଇ ପ୍ରଥମ ସ୍ତ୍ରୀ ଘର ଆଗରେ ଧାରଣା ଦେଇଛନ୍ତି ଦ୍ୱିିିତୀୟ ସ୍ତ୍ରୀ। ଏଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ସହର ୱାର୍ଡ ନଂ. ୪ ରାଉଳ ସାହିରେ। ରାୟଗଡା ଅଞ୍ଚଳର ସ୍ବପ୍ନା ମହାପାତ୍ର ନାମକ ଜଣେ ମହିଳା ନିଜକୁ ପ୍ରଥମ ସ୍ତ୍ରୀ ଦାବି କରି ଦ୍ୱିତୀୟ ସ୍ତ୍ରୀଙ୍କ ଘର ସମ୍ମୁଖରେ ବୁଧବାର ଧାରଣା ଦେଇଛନ୍ତି l ଯାହାକୁ ନେଇ ଚର୍ଚ୍ଚା ବଢ଼ିଛି।
ଉକ୍ତ ମହିଳାଙ୍କ କହିବା ଅନୁଯାୟୀ,୨୦୦୫ରେ ଆଶୁତୋଷ ମହାପାତ୍ର ନାମକ ଯୁବକଙ୍କୁ ରାୟଗଡ଼ାସ୍ଥିତ ଏକ ଜଗନ୍ନାଥ ମନ୍ଦିରରେ ବିବାହ କରିଥିଲେ । ବିବାହ ପରେ ଦୁହେଁ କିଛି ଦିନ ମିଶିକି ରହିବା ପରେ ଆଶୁତୋଷ ତାଙ୍କୁ ଛାଡ଼ି ପଳାଇ ଥିଲେ । ଆଶୁତୋଷ ତାଙ୍କୁ ନ ଜଣାଇ ୨୦୦୬ରେ ଜଣେ ଅନ୍ୟଜଣଙ୍କୁ ବିବାହ କରିଥିବା ୨୦୧୦ରେ ଜାଣିବାକୁ ପାଇ ରାୟଗଡ଼ା ଥାନାରେ ମୌଖିକ ଭାବେ ଅଭିଯୋଗ କରିଥିଲେ। ଅଭିଯୋଗ ପରେ ଥାନାରେ ଏକ ଲିଖିତ ଚୁକ୍ତିନାମା ପତ୍ରରେ ଉଭୟ ସ୍ବାକ୍ଷର କରି ପୁଣି ଚାଲି ଯାଇଥିଲେ। ପରେ ୨୦୧୮ ଅକ୍ଟୋବରରେ ରାୟଗଡା ଆସି ଚାମଖଣ୍ଡିରେ ଘର ଭଡା ନେଇ ସ୍ବପ୍ନା ରହୁଥିବା ବେଳେ ଆଶୁତୋଷ ମଝିରେ ମଝିରେ ତାଙ୍କ ପାଖେ ଯାଇଁ ରହୁଥିଲୋ। ସେଠାରେ ତାଙ୍କୁ ସମସ୍ୟା ହେବାରୁ ବୁଧବାର ଆଶୁତୋଷ ଦ୍ୱିତୀୟ ସ୍ତ୍ରୀଙ୍କୁ ନେଇ ରହୁଥିବା ଭଡା ଘର ଆଗରେ ଧାରଣାରେ ବସିଛନ୍ତି। ସେ ଉଭୟ ସ୍ତ୍ରୀଙ୍କୁ ପାଖରେ ରଖିବାକୁ ଦାବି କରିଛନ୍ତି।
