ହିଞ୍ଜିଳିକାଟୁ,୨୮ା୪: ଗଞ୍ଜାମ ଜିଲା ହିଞ୍ଜିଳି ଥାନା ଗୋଦରାପଲୀ ଗ୍ରାମର ପି. ଅନୀତାଙ୍କୁ ଯୌତୁକ ନିର୍ଯାତନା ଦେବାସହ ସ୍ବାମୀ ଦ୍ୱିତୀୟ ବିବାହ କରିଥିବା ନେଇ ମଙ୍ଗଳବାର ଥାନାରେ ଅଭିଯୋଗ ହୋଇଛି। ଅନୀତାଙ୍କ ଅଭିଯୋଗକୁ ଭତ୍ତି କରି ପୋଲିସ ଏକ ମାମଲା ନଂ. (୧୯୮/୨୧) ରୁଜୁ କରି ତଦନ୍ତ ଚଳାଇଛି। ବିବାହ ବେଳେ ଅନୀତାଙ୍କ ଘର ଲୋକେ ଯୌତୁକ ବାବଦକୁ ସୁନା ଅଳଙ୍କାର ସହ ନଗଦ ଟଙ୍କା ଦେଇ ଥିଲେ। ବିବାହର କିଛି ଦିନ ପରେ ସ୍ବାମୀ ଓ ଶଶୁରଙ୍କ ସହ ଘର ପରିବାର ଲୋକେ ଅଧିକ ୨ଲକ୍ଷ ଟଙ୍କା ଦାବି କରି ଅନୀତାଙ୍କୁ ନିର୍ଯାତନା ଦେବା ସହ ଘରୁ ତଡ଼ି ଦେଇଥିଲେ। କିଛି ଦିନ ପରେ ଏ ନେଇ ଗ୍ରାମରେ ଏକ ବୈଠକ ହୋଇଥିଲା। ଅନୀତାଙ୍କ ଘର ଲୋକେ ଦେଇଥିବା ସମସ୍ତ ଯୌତୁକ ସହ ଭରଣ ପୋଷଣ ବାବଦକୁ ୪ଲକ୍ଷ ୭୫ହଜାର ଟଙ୍କା ପ୍ରଦାନ ପାଇଁ ବୈଠକରେ ସ୍ଥିର ହୋଇଥିଲା। ମାର୍ଚ୍ଚ ୧୭ ସୁଦ୍ଧା ଏହି ଟଙ୍କା ଫେରାଇବାକୁ ନିଷ୍ପତ୍ତି ହୋଇଥିଲେ ମଧ୍ୟ ଅନୀତାଙ୍କ ଶାଶୁ ଘର ଲୋକେ ଏହାକୁ ନ ମାନି ତାଙ୍କ ସ୍ବାମୀଙ୍କ ଦ୍ୱିତୀୟ ବିବାହ କରିଥିବା ଅନୀତା ଅଭିଯୋଗ କରିଛନ୍ତି।