ଲଣ୍ଡନ: ପର୍ତ୍ତୁଗାଲର ସୁପରଷ୍ଟାର ତଥା ଫୁଟବଲ ଖେଳାଳି କ୍ରିଷ୍ଟିୟାନ ରୋନାଲ୍ଡୋ ପୁଣି ଥରେ ଇଂଲଣ୍ଡର ମଞ୍ଚେଷ୍ଟର ୟୁନାଇଟେଡ କ୍ଲବ୍କୁ ଫେରି ଆସିଛନ୍ତି। କୁହାଯାଉଛି, ସେ ଇଂଲଣ୍ଡରେ ସ୍ଥାୟୀ ଭାବରେ ରହିବେ। ଏହାସହିତ ରୋନାଲ୍ଡୋଙ୍କ ପର୍ତ୍ତୁଗାଲରେ ଥିବା ଏକ ଆପାର୍ଟମେଣ୍ଟ ଏବେ ପୁଣି ଚର୍ଚ୍ଚାରେ। କାରଣ ଏହି ଆପାର୍ଟମେଣ୍ଟ ପର୍ତ୍ତୁଗାଲର ସବୁଠାରୁ ମହଙ୍ଗା ଅଟେ।
ଏମିତିରେ ବି ରୋନାଲ୍ଡୋ ବିଳାସମୟ ଜୀବନ ବିତାଇବାକୁ ଭଲପାଆନ୍ତି। ଏଥିଯୋଗୁ ସେ ୩୧୦୦ ସ୍କୋୟାର ଫୁଟର ଘର କିଣିଛନ୍ତି। ଯାହାର ଦାମ୍ ୬୦ କୋଟି ଟଙ୍କା। ଏହି ଆପାର୍ଟମେଣ୍ଟ କିଣିବା ପାଇଁ ଦୁଇଜଣ କୋଟିପତି ଇଚ୍ଛା କରୁଥିଲେ। ମାତ୍ର ଶେଷରେ ରୋନାଲ୍ଡୋ ବାଜି ମାରିନେଲେ। ଏହି ସୁପରଷ୍ଟାରଙ୍କ ଆପାର୍ଟମେଣ୍ଟ ପର୍ତ୍ତୁଗାଲର ରାଜଧାନୀ ଲିସବନରେ ରହିଛି।
ଏହି ଆପାର୍ଟମେଣ୍ଟରେ ସୁଇମିଂ ପୁଲ୍, ଜିମ୍, ତିନୋଟି ବଡ଼ ବେଡ୍ରୁମ ଏବଂ ଗୋଟିଏ ସ୍ପା ସେଣ୍ଟର ରହିଛି। ଏପରି ଆପାର୍ଟମେଣ୍ଟ ତିଆରି କରିବା ପାଇଁ ୧୦ ବର୍ଷ ପୂର୍ବରୁ ସେ ଚିନ୍ତା କରିଥିଲେ। ବିଳମ୍ବରେ ହେଉ ପଛେ ତାଙ୍କ ମନ ମୁତାବକ ଘରଟିଏ କିଣି ବହୁତ ଖୁସି ବ୍ୟକ୍ତ କରିଛନ୍ତି।
ରୋନାଲ୍ଡୋ ଏହି ଘରକୁ ଖୁବ୍ କମ୍ ଆସନ୍ତି। ଏଠାରେ ସ୍ପୋଟର୍ସକୁ ଭଲ ପାଉଥିବା ବ୍ୟକ୍ତିବିଶେଷଙ୍କ ପାଇଁ ଏକ ଟୁରିଜିମ୍ ସେଣ୍ଟର ମଧ୍ୟ ରହିଛି। ରୋନାଲ୍ଡୋ ଇଂଲଣ୍ଡ ଫେରି ଯିବାକୁ ଇଚ୍ଛା କରିଥିବାରୁ ଏବେ ଏହି ଆପାର୍ଟମେଣ୍ଟରେ ଅଧିକ ସମୟ ବିତାଉଛନ୍ତି। ତାଙ୍କ ଗ୍ୟାରେଜରେ ଅନେକ ସ୍ପୋଟର୍ସ ଗାଡ଼ି ମଧ୍ୟ ଅଛି। ତାଙ୍କର ଗାର୍ଡେନ ଏବଂ ସୁଇମିଂ ପୁଲ୍ ବହୁତ ସୁନ୍ଦର। ତାଙ୍କର ବିଳାସମୟ ଜୀବନଶୈଳୀ ସବୁବେଳେ ଚର୍ଚ୍ଚାରେ ରହିଆସିଛି।