ବାଲିଗୁଡା,୧୧ା୩: ଫୁଲବାଣୀ ବନଖଣ୍ଡ ଅଧୀନ ଟିକାବାଲି ପରେଷ୍ଟ ରେଞ୍ଜ ଲାଇନପଡ଼ା ରିଜର୍ଭ ଜଙ୍ଗଲରେ ନିଆଁ ଲଗାଉଥିବା ଜଣେ ବ୍ୟକ୍ତିଙ୍କୁ ଟିକାବାଲି ବନବିଭାଗ କର୍ମଚାରୀ କାବୁ କରିଛନ୍ତି। ବନ କର୍ମଚାରୀମାନେ ନିଆଁକୁ ଆୟତ୍ତ କରିଥିବା ବେଳେ ଅଭିଯୁକ୍ତଙ୍କୁ ଗିରଫ କରାଯାଇଛି। ଅଭିଯୁକ୍ତ ଜଣକ ଲାମ୍ବାରଖୋଲ ଗ୍ରାମର ଈଶ୍ୱର କହଁର ବୋଲି ବନପାଳ ସଦାନନ୍ଦ ବେହେରା କହିିଛନ୍ତି। ଈଶ୍ବରଙ୍କ ନାମରେ ନଂ.୨୦୧/୨୧ରେ ମାମଲା ରୁଜୁ କରାଯାଇଛି । ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଜଙ୍ଗଲକୁ ନିଆଁ ଦାଉରୁ ରକ୍ଷାକରିବା ପାଇଁ କଡା ନଜର ରଖିବା ସହ ସଚେତନତା ଉପରେ ଗୁରୁତ୍ୱ ଦିଆଯାଉଥିବା ଟିକାବାଲି ରେଞ୍ଜର ବୈରାଗୀ ଚରଣ ବେହେରା କହିଛନ୍ତି ।