ପାଟଣା,୬।୪(ସ୍ବ.ପ୍ର.): ଜଙ୍ଗଲ ନିଆଁ ଲାଗିବା ସହ ତାପମାତ୍ରା ବୃଦ୍ଧି ଯୋଗୁ ଏବେ ଗାଁ ମୁଁହା ହେଉଛନ୍ତି ବନ୍ୟପ୍ରାଣୀ। କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡା ସେକ୍ସନ ଆହାରପଡା ଜଙ୍ଗଲରୁ ଆହାରପଡା ଗାଁ ଭିତରକୁ ଗୁରୁବାର ଏକ ହରିଣ ଚାଲି ଆସିଥିଲା। ଗାଁକୁ ପଶି ଆସିଥିବା ହରିଣକୁ କୁକୁର ମାନେ ଗୋଡ଼ାଇ ଆକ୍ରମଣ କରିଥିଲେ। କୁକୁରଙ୍କ ଆକ୍ରମଣରେ ହରିଣଟିର ବେକରେ କ୍ଷତ ହୋଇଥିବା ଦେଖାଯାଇଛି। ଖବରପାଇ ଘଟଣାସ୍ଥଳରେ ସାହାରପଡା ବନପାଳ ଭୁପତି ସେଠୀ ପହଞ୍ଚି ହରିଣକୁ ଉଦ୍ଧାର କରି ବଡ଼ବିଲ ପଶୁ ଚିକିତ୍ସାଳୟରେ ପ୍ରାଥମିକ ଚିକିତ୍ସା କରାଯାଇଥିଲା। ପରେ ବଣ ମହୁଲଡିହା ସ୍ଥିତ ଅଟେଇ ସଂରକ୍ଷିତ ଜଙ୍ଗଲରେ ଛାଡି଼ ଦିଆ ଯାଇଥିବା ସାହାରପଡା ବନପାଳ ଭୂପତି ସେଠୀ କହିଛନ୍ତି।
