ନୟାଗଡ଼ ଅଫିସ,୧୭।୨: ନୟାଗଡ଼ ବନଖଣ୍ଡ ନୟାଗଡ଼ ରେଞ୍ଜ୍ର ଖେଡ଼ପଡା ଫରେଷ୍ଟ ଅନ୍ତର୍ଗତ ରାସୋଳ ଜଙ୍ଗଲ ଜଳୁଛି। ଗୁରୁବାର ପୂର୍ବାହ୍ନରୁ ଜଙ୍ଗଲରେ ନିଆଁ ଲାଗିଥିବାବେଳେ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିନାହାନ୍ତି। ଅନ୍ୟପକ୍ଷେ ବୁଧବାର ରାଜଗିରି ପାହାଡରେ ନିଆଁ ଲାଗିଥିଲା। ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ। ଏ ସମ୍ପର୍କରେ ନୟାଗଡ଼ ଫରେଷ୍ଟର ସୁମିତ୍ରା ମିଶ୍ର କୁହନ୍ତି, ଖବର ପାଇଲୁ। ନିଆଁ ଲିଭାଇବା ପାଇଁ ଯିବୁ। ତେବେ କିଛି ଲୋକ ରାସ୍ତାରେ ଗଲାବେଳେ ବିଡି, ସିଗାରେଟ ଖାଇ ଜଙ୍ଗଲ ଭିତରକୁ ଅବଶିଷ୍ଟ ଅଂଶ ଫୋପାଡି ଦେଇଥିବା ଜଣାପଡୁଛି। କିଏ ଏପରି କରୁଛି ଜଣାପଡୁନି। ତେବେ ବନ ବିଭାଗ ପକ୍ଷରୁ ପାଟ୍ରୋଲିଂ ଜାରି ରହିଛି। ଅନ୍ୟପକ୍ଷେ ଜଙ୍ଗଲ ଭିତରେ ଫାୟାର ଲାଇନ କଟା ଯାଇଛି। ଜଙ୍ଗଲ ଭିତରକୁ ନିଆଁ ନ ଯିବାକୁ ପଦକ୍ଷେପ ନିଆଯାଇଛି ବୋଲି ସେ କହିଛନ୍ତି।