କେନ୍ଦୁଝର,୨୨ା୨(ସ୍ବ.ପ୍ର.): ସଦର ରେଞ୍ଜ ଅନ୍ତର୍ଗତ ଗୋପାଳପୁର ଜଙ୍ଗଲ (ଏନ୍ଏଚ୍ ୨୦)ରେ ନିଆଁ ଲଗାଯାଇଥିବା ଚାରିଆଡ଼େ ଧୂଆଁମୟ ହୋଇ ବାୟୁ ପ୍ରଦୂଷଣ ହେବା ସହ ଗଛଲତା ପୋଡ଼ିଯାଇଛି। ନିଆଁ ଲିଭା ନ ଗଲେ ଚାରି ଆଡ଼କୁ ବ୍ୟାପି ବ୍ୟାପକ କ୍ଷୟକ୍ଷତି ଘଟାଇଥିବା ଆଶଙ୍କା ରହିଛି। ଉକ୍ତ ଜଙ୍ଗଲ ଦେଇ ହାତୀ ଓ ଅନ୍ୟ ବନ୍ୟଜନ୍ତୁ ଓ ସରୀସୃପ ଚଳାଚଳ କରିଥାନ୍ତି। ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ପାଇଁ ବ୍ୟାପକ ଜନ ସଚେତନତା ସୃଷ୍ଟି କରିବା ସହ ସଫେଇ କରି ଫାୟାର ଲାଇନ ପ୍ରସ୍ତୁତ କରାଯାଉଥିଲେ ହେଁ ଅନେକ ଜଙ୍ଗଲରେ ଏଭଳି ନିଆଁ ଲାଗିଥିବାରୁ ବନ ବିଭାଗ ଚିନ୍ତାରେ ରହିଛି।