ଲଣ୍ଡନ, ୧୩ା୧ (ଏପି)-ଚଳିତବର୍ଷ ଫର୍ମୁଲା ଓ୍ବାନ ସିଜନ ଗୋଟିଏ ସପ୍ତାହ ବିଳମ୍ବ ଘଟିଛି। କୋଭିଡ୍ ଯୋଗୁ ଅଷ୍ଟ୍ରେଲିଆନ ଗ୍ରାଁପ୍ରି ମାର୍ଚ୍ଚରୁ ନଭେମ୍ବରକୁ ଘୁଞ୍ଚାଇ ଦିଆଯାଇଥିବାରୁ ଏଥର ଫର୍ମୁଲା ଓ୍ବାନ ସିଜନ ବାହାରିନରେ ଆରମ୍ଭ ହେବ। ମାର୍ଚ୍ଚ ୨୧ରେ ମେଲବୋର୍ନରେ ଅଷ୍ଟ୍ରେଲିଆନ ରେସ୍ ସହ ସିଜନ ଆରମ୍ଭ ଯୋଜନା ଥିଲା। କିନ୍ତୁ ଏହି ଦେଶରେ ବର୍ତ୍ତମାନର କୋଭିଡ୍ ପରିସ୍ଥିତିକୁ ଧ୍ୟାନରେ ରଖି ଆୟୋଜକଗଣ ରେସ୍କୁ ନଭେମ୍ବର ୨୧କୁ ଘୁଞ୍ଚାଇ ଦେଇଛନ୍ତି। ଚାଇନିଜ୍ ଗ୍ରାଁକୁ ମଧ୍ୟ ସ୍ଥଗିତ ରଖାଯାଇଛି। ଏଥିପାଇଁ ନୂଆ ତାରିଖ ଧାର୍ଯ୍ୟ କରାଯାଇ ନାହିଁ। କରୋନା ପାଇଁ ଅଷ୍ଟ୍ରେଲିଆ ଓ ଚାଇନାରେ ଯାତାୟାତ କଟକଣା ଯୋଗୁ ଦେଶରେ ଫର୍ମୁଲା ଓ୍ବାନ ଟିମ୍ ପ୍ରବେଶ କଷ୍ଟସାଧ୍ୟ। ସାଖିରଠାରେ ମାର୍ଚ୍ଚ ୨୮ରେ ବାହାରିନ ଗ୍ରାଁ ପ୍ରି ସହ ସିଜନ ଆରମ୍ଭ ହେବ।