ପାଟଣା,୬ା୯(ସ୍ବ.ପ୍ର.): କେନ୍ଦୁଝର ଜିଲା ପାଟଣା ସାହାରପଡ଼ା ଦେଇ ଯାଇଥିବା୨୨୦ ନମ୍ବର ଜାତୀୟ ରାଜପଥ ବଡ଼ବିଲ ନିକଟରେ ଥିବା କାର୍ଗିଲ ଛକରେ ରବିବାର ଓଡି ୦୨ ବି ଏଫ୫୭୨୧ ନମ୍ବର ବିଶିଷ୍ଟ ଏକ କାର୍ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ଘଟାଇ ଚାଳକ ଫେରାର ହୋଇଯାଇଥିବା ଜଣାପଡ଼ିଛି। କାର୍ଟି ପୁରୀରୁ ଉଦୟପୁର ଫେରୁଥିବା ବେଳେ ରାସ୍ତାର ଡାହାଣ ପାର୍ଶ୍ୱରେ ଥିବା ଦୁଇଟି ସୁରକ୍ଷା ଖୁଣ୍ଟିକୁ ଧକ୍କା ଦେଇଥିଲା। ଫଳରେ କାର୍ର ଆଗ ଏକ୍ସେଲ ସହ ୨ ଚକା ବାହାରି ଯିବାସହ କାର୍ଟି ଚୁର୍ମାର ହୋଇଯାଇଛି। ଏଥିରେ ଥିବା ୪ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା କୁହାଯାଉଥିବା ବେଳେ ସେମାନଙ୍କ ସମ୍ପର୍କରେ କିଛି ଜଣାପଡ଼ିନାହିଁ।
