ସତରେ ଅପେକ୍ଷାର ଫଳ ମିଠା। ହେଲେ ସେଥିପାଇଁ ଧୈର୍ଯ୍ୟର ଆବଶ୍ୟକତା ରହିଛି। ନିକଟରେ ଜ୍ୟାକଲିନ୍ ଫର୍ନାଡିସ୍ ଯାହା ଚାହୁଁଥିଲେ ତାହା ତାଙ୍କୁ ମିଳିଯାଇଛି। ଅର୍ଥାତ୍, ସେ ଏକ ଚାଲେଞ୍ଜିଂ ଭୂମିକାରେ ଦର୍ଶକଙ୍କ ସାମନାକୁ ଆସିବାକୁ ଚାହୁଁଥିଲେ, ଆଉ ତାଙ୍କୁ ଏପରି ଏକ ରୋଲ୍ ମିଳିଯାଇଛି। ଏ ନେଇ ଜ୍ୟାକଲିନ୍ କହନ୍ତି, ‘ନିକଟରେ ମୁଁ ଦୁଇଟି ହିନ୍ଦୀ ସିନେମା ସାଇନ୍ କରିଛି, ହେଲେ ଏହି ଫିଲ୍ମଦ୍ୱୟର ଟାଇଟଲ ଫାଇନାଲ ହୋଇନାହିଁ। ଏଗୁଡିକର ପ୍ରାରମ୍ଭିକ କାମ ଚାଲୁ ରହିଛି। ହେଲେ ଏଥିରେ ମୋତେ ମିଳିଥିବା ଭୂମିକାଦ୍ୱୟ ମୋ କ୍ୟାରିୟର ପାଇଁ ଶୁଭପ୍ରଦ ସାବ୍ୟସ୍ତ ହେବ। ମୋ କ୍ୟାରିୟର ପାଇଁ ମୁଁ ବେଶ୍ ସଚେତନ। ବଲିଉଡ୍ରେ ତରବର ହୋଇ ଆଗେଇଲେ କିଛି ଲାଭ ନାହିଁ। କୌଣସି ଫିଲ୍ମ ସାଇନ୍ କରିବା ପୂର୍ବରୁ ସେ ନେଇ ଭଲ ଭାବରେ ଚିନ୍ତା କରିବି।’ ତେବେ ନିକଟରେ ଜ୍ୟାକଲିନ୍ ସାଇନ୍ କରିଥିବା ଫିଲ୍ମଦ୍ୱୟ ତାଙ୍କ ଆକ୍ଟିଂ କ୍ୟାରିୟରକୁ କେତେ ମାଇଲେଜ ଦେଉଛି ତାହା ଦେଖିବାକୁ ବାକି ରହିଲା।