ପୁରୁଷୋତ୍ତମପୁର, ୩୦।୬(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ଶିକୁଳା ଗ୍ରାମରେ ମଙ୍ଗଳବାର ଜଣେ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହା ପରେ ପ୍ରଶାସନ ପକ୍ଷରୁ ଚିହ୍ନଟ ବ୍ୟକ୍ତିଙ୍କୁ ଚିକିତ୍ସା ନିମନ୍ତେ କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଛି। ଏ ନେଇ ଗଞ୍ଜାମ ଜିଲାପାଳ ବିଜୟ ଅମୃତ କୁଲାଙ୍ଗେ ଶିକୁଳା ଗ୍ରାମକୁ କଣ୍ଟେଟମେଣ୍ଟ ଜୋନ ଘୋଷଣା କରିଛନ୍ତି। ଏଥିସହ ପଡୋଶି ଗ୍ରାମ ଅରଖପୁର ପଞ୍ଚାୟତର ପାଟଣା ପଲ୍ଲୀ, ବାବରାପୁର, ଅରଖପୁର ଓ ବଡ ବରଗାଁ ପଞ୍ଚାୟତ କରନ୍ଦା ପଲ୍ଲୀ, ରାଣୀଗାଁ ଆଦି ଗ୍ରାମକୁ ବଫର ଜୋନ ଭାବେ ଘୋଷଣା କରିଛନ୍ତି। ଶିକୁଳା ଗ୍ରାମକୁ ସଂଯୋଗ କରୁଥିବା ମୂଖ୍ୟ ରାସ୍ତାରେ ବ୍ୟାରିକେଟ କରି ସମ୍ପୂର୍ଣ୍ଣ ରୁପେ ସିଲ କରିଦିଆଯାଇଛି।