ଛତ୍ରପୁର,୧ା୭ (ଡି.ଏନ୍.ଏ.)-କେନ୍ଦ୍ର ଓ ରାଜ୍ୟ ସରକାର ଅନ୍ଲକ୍-୨ ପାଇଁ ଗାଇଡ୍ଲାଇନ୍ ଜାରି କରିଛନ୍ତି। ମଙ୍ଗଳବାରଠାରୁ ଏହା କାର୍ଯ୍ୟକାରୀ ହେବ। ଏହି କ୍ରମରେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ମଧ୍ୟ କେତେକ ନିର୍ଦ୍ଦେଶନାମା ମଙ୍ଗଳବାର ଜାରି କରିଛନ୍ତି। ବୁଧବାରଠାରୁ ଜିଲାର ସମସ୍ତ ସକାଳ ୬ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଖୋଲା ରହିବ। ପୂର୍ବ ନିଷ୍ପତ୍ତି ପ୍ରକାରେ ଛତ୍ରପୁର ଏନ୍ଏସି ଶଟ୍ଡାଉନ୍ ରହିବ। ବ୍ରହ୍ମପୁର ମହାନଗରରେ ଜାରି ଶଟ୍ଡାଉନ୍ ବୁଧବାରଠାରୁ ପ୍ରତ୍ୟାହାର ହେବ। ଜୁଲାଇ ୧୦ ତାରିଖ ପର୍ଯ୍ୟନ୍ତ ଜିଲାର ସମସ୍ତ ସରକାରୀ କର୍ଯ୍ୟାଳୟକୁ ଜନସାଧାରଣଙ୍କ ପ୍ରବେଶ ଉପରେ କଟକଣା ଜାରି ରହିବ। କରୋନା ପାଇଁ ଜାରି ଗାଇଡ୍ଲାଇନ୍କୁ କୌଣସି ଦୋକାନୀ ପ୍ରଥମ ଥର ଉଲ୍ଲଂଘନ କଲେ ୧ ହଜାର ଟଙ୍କା ଜରିମାନା ସହ ୭ ଦିନ ପାଇଁ ଦୋକାନକୁ ବନ୍ଦ କରି ଦିଆଯିବ। ଦ୍ୱିତୀୟ ଥର ନିୟମ ଉଲ୍ଲଂଘନ କଲେ ସଂମ୍ପୃକ୍ତ ଦୋକାନୀଙ୍କ ବିରୋଧରେ ଥାନାରେ ଏତଲା ଦିଆଯିବ। ଏଥିସହ ମାସକ ପାଇଁ ଦୋକାନ ବନ୍ଦ କରାଯିବ। ଜିଲାପାଳ ଏ ସମ୍ପର୍କରେ ଟୁଇଟରେ ସୂଚନା ଦେଇଛନ୍ତି।