କେସିଙ୍ଗା,୧୭।୫(ଡି.ଏନ.ଏ): କଳାହାଣ୍ଡି ଜିଲା କେସିଙ୍ଗା ସହରରେ ଅବସ୍ଥିତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ପ୍ରସୂତିକାଳୀନ ଏବଂ ଶିଶୁ ସାସ୍ଥ୍ୟ କେନ୍ଦ୍ରକୁ ଯାଇଥିବା ମୁଖ୍ୟ ଗେଟ୍କୁ ଜିଲାପାଳଙ୍କ ଉପସ୍ଥିତରେ ଖୋଲା ଯାଇଛି। ଜାତୀୟ ରାଜପଥ ୨୬ ଠାରୁ ମାର୍କେଟ ଦେଇ ପ୍ରସୂତିକାଳୀନ ଏବଂ ଶିଶୁ ସ୍ବାସ୍ଥ୍ୟ କେନ୍ଦ୍ରକୁ ସଂଯୋଗ ହୋଇଥିବା ମୁଖ୍ୟ ଗେଟ୍କୁ ଗତ ୨୦୨୦ ଏପ୍ରିଲ ମାସରୁ କୌଣସି କାରଣରୁ ବନ୍ଦ କରାଯାଇଥିଲା। ଭବାନୀପାଟଣା ନିର୍ବାଚନ ମଣ୍ଡଳୀର ବିଧାୟକ ପ୍ରଦୀପ୍ତ କୁମାର ନାଏକ ଜିଲା ମୁଖ୍ୟ ଚିକତ୍ସା ଅଧିକାରୀଙ୍କୁ ଫେବୃଆରୀରେ ଗେଟ୍ ଖୋଲିବା ପାଇଁ ଚିଠି ଦ୍ୱାରା ନିର୍ଦ୍ଦେଶ ଦେଇଥିଲେ। ଚିଠି ହସ୍ତଗତ ହେଲାପରେ ଜିଲା ମୁଖ୍ୟ ଚିକତ୍ସା ଅଧିକାରୀ ଜିଲାପାଳଙ୍କ ସହ ଆଲୋଚନା କରିଥିଲେ। ବୁଧବାର ଜିଲାପାଳ ନିଜେ କେସିଙ୍ଗା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ କରିଥିଲେ। ଏବଂ ତାଙ୍କ ଉପସ୍ଥିତିରେ ଗେଟ୍ ଖୋଲା ଯାଇଥିଲା। ଯାହାଫଳରେ ଜାତୀୟ ରାଜପଥ ଠାରୁ ମାର୍କେଟ ଦେଇ ପ୍ରସୂତିକାଳୀନ ଏବଂ ଶିଶୁ ସାସ୍ଥ୍ୟ କେନ୍ଦ୍ରକୁ ଗମନାଗମନ ସୁବିଧା ହୋଇପାରିଛି। ଗେଟ୍ ଖୋଲିବା ସମୟରେ କଳାହାଣ୍ଡି ଜିଲାପାଳ ପି.ଅନେୱସା ରେଡ୍ଡୀ, ସି.ଡ଼ି.ଏମ.ଓ କଳାହାଣ୍ଡି, କେସିଙ୍ଗା ଏସ.ଡ଼ି.ପି.ଓ ରୋହିତ ବର୍ମା, କେସିଙ୍ଗା ବିଡ଼ିଓ ପ୍ରଫୁଲ୍ଲ କୁମାର ଅଦୁ, ଏନ.ଏ.ସି ନିର୍ବାହି ଅଧିକାରିଣୀ କିରଣ ବେହେରା, କେସିଙ୍ଗା ଗୋଷ୍ଠୀ ସାସ୍ଥ୍ୟ କେନ୍ଦ୍ରର ଅଧ୍ୟକ୍ଷ ଡ଼.ସୁବାଷ ଚନ୍ଦ୍ର ବେହେରାଙ୍କ ଉପସ୍ଥିତ ଥିଲେ।