ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ବର୍ତ୍ତମାନ ଏକ ଜିରାଫ ନିଜ ଛୁଆକୁ ଚିତା ବାଘଙ୍କ କବଳରୁ ବଞ୍ଚାଇଥିବା ଭିଡିଓ ବେଶ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଜିରାଫ ତାର ଛୁଆ ସହ ଜଙ୍ଗଲରେ ବୁଲୁଛି। ସେହି ସମୟରେ ଦଳେ ଚିତା ବାଘ ଜିରାଫଙ୍କ ନିକଟକୁ ଆସୁଛନ୍ତି। ଏହା ଦେଖି ଜିରାଫ ତାର ଛୁଆ ସହ ଦୌଡିବା ଆରମ୍ଭ କରିଦେଉଛି। ପରେ ମା’ ଜିରାଫଟି ଚିତା ବାଘଙ୍କୁ ଆକ୍ରମଣ କରିବା ପାଇଁ ଉଦ୍ୟମ କରୁଛି। ଏହାପରେ ଚିତାବାଘ ଛତ୍ରଭଙ୍ଗ ଦେଇ ପଳାଇ ଯାଉଥିବା ଦେଖାଯାଇଛି। ଭାରତୀୟ ବନସେବା ଅଧିକାରୀ ସୁଶାନ୍ତ କୁମାର ନନ୍ଦ ତାଙ୍କ ଟୁଇଟରରେ ଏହି ଭିଡିଓକୁ ଶେୟାର କରିଛନ୍ତି। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।