ମୁମ୍ବାଇ: ବଲିଉଡ୍ ବିୟୁଟି ପରିଣିତି ଚୋପ୍ରା ନିଜ ଅଭିନୟ ମାଧ୍ୟମରେ ଲକ୍ଷେ ଲୋକଙ୍କ ହୃଦୟରେ ଘର କରି ସାରିଛନ୍ତି । ତାଙ୍କ ଅଭିନୟକୁ ଦର୍ଶକେ ପସନ୍ଦ କରୁଥିବା ବେଳେ ତାଙ୍କ ପ୍ରଶଂସକମାନେ ଅପେକ୍ଷା ରଖଇଥାଆନ୍ତି ପୁଣି କେବେ ଓ କେଉଁ ଚରିତ୍ରରେ ଦେଖିବାକୁ ମିଳିବ ଅଭିନେତ୍ରୀଙ୍କୁ । ନିକଟରେ ପରିଣିତିଙ୍କ ଫିଲ୍ମ ‘ଦ ଗର୍ଲ ଅନ୍ ଦ ଟ୍ରେନ୍’ର ଟିଜର ରିଲିଜ୍ ହୋଇଛି । ଏହା ଦର୍ଶକଙ୍କୁ ପସନ୍ଦ ବି ଆସିଛି । ହେଲେ ସବୁଠାରୁ ବଡକଥା ହେଲା ଏଥିରେ ପରିଣିତିଙ୍କ ଭୂମିକାକୁ କେହି ବୁଛି ପାରି ନାହାନ୍ତି । ତେବେ ମିଡିଆ ରିପୋର୍ଟସ୍ କହୁଛି ପରିଣିତି ଚୋପ୍ରା ଏହି ଫିଲ୍ମରେ ଅଣ୍ଡରକଭର ଏଜେଣ୍ଟ ଭୁମିକାରେ ନଜର ଆସିବେ । ଟିଜରରେ ଦେଖିବାକୁ ମିଳିଛି କି ଅଭିନେତ୍ରୀ ପାଗଳ ଭଳି ବିଦେଶ ରାସ୍ତାରେ ଏଣେତେଣେ ବୁଲୁଛନ୍ତି । ଆଉ ଏଥିରୁ ଅନୁମାନ କରାଯାଉଛି ଯେମିତି ଅଭିନେତ୍ରୀ କାହାକୁ ଖୋଜୁଛନ୍ତିି । ତେବେ ଏମ୍ପର୍କରେ କୌଣସି ସୂଚନା ସଠିକ୍ ଭାବେ ମିଳିନାହିଁ ।
