ଆମ୍ବେଦକରନଗର: ଜଣେ କି ଦୁଇଜଣ ଯୁବକ ନୁହେଁ, ଚାରିଜଣ ଯୁବକଙ୍କ ସହ ଘରଛାଡ଼ି ଫେରାର ହୋଇଥିଲେ ଯୁବତୀ। ବିବାହ କରିବାକୁ ଇଚ୍ଛା ଥିଲେ ହେଁ ସେମାନଙ୍କ ମଧ୍ୟରୁ କାହାକୁ ବିବାହ କରିବେ ନିଶ୍ଚିତ କରିପାରି ନ ଥିଲେ। ଶେଷରେ ମାମଲା ପଞ୍ଚାୟତକୁ ଆସିଥିଲା। ସେଠାରେ ଧର୍ମଗୁଳା ପକାଇ ବିବାହ କରାଯାଇଛି। ଉତ୍ତରପ୍ରଦେଶର ଆମ୍ବେଦକରନଗର ଏହିି ଘଟଣା ସାମ୍ନାକୁ ଆସିବା ପରେ ଅନେକଙ୍କୁ ଚକିତ କରିଛି।
ଘଟଣାଟି ଏପରି। ଆମ୍ବେଦକରନଗରର ଅଜୀମନଗର ଥାନା ଅଞ୍ଚଳର ଜଣେ ଯୁବତୀଙ୍କୁ ଚାରିଜଣ ଯୁବକ ପ୍ରେମ ଜାଲରେ ଫସାଇଥିଲେ। ପରେ ସେମାନେ ଯୁବତୀଙ୍କୁ ଘରୁ ଫେରାର କରିନେଇଥିଲେ। କିଛିଦିନ ସେମାନେ ସମ୍ପର୍କୀୟଙ୍କ ଘରେ ଯୁବତୀଙ୍କୁ ରଖିଥିଲେ। ଅପରପକ୍ଷେ ଯୁବତୀ ନିଖୋଜ ଥିବାରୁ ପରିବାରଲୋକେ ବହୁ ଖୋଜାଖୋଜି କରିଥିଲେ। ଶେଷରେ ଯୁବତୀଙ୍କୁ ଠାବ କରିବାରେ ସଫଳ ହୋଇଥିଲେ। ଯୁବକଙ୍କ ଏଭଳି କାମକୁ ନେଇ ସେମାନେ ପୋଲିସ ନିକଟରେ ଅଭିଯୋଗ କରିବାକୁ ଭାବି ଥିଲେ। ହେଲେ ଶେଷରେ କଥା ପଞ୍ଚାୟତରେ ପହଞ୍ଚିଥିଲା।
ଯୁବତୀଜଣଙ୍କ ସେଠାରେ କାହାକୁ ବିବାହ କରିବେ ସ୍ଥିର କରିପାରି ନ ଥିଲେ। ପରେ ପଞ୍ଚାୟତରେ ଧର୍ମଗୁଳା ପକାଇବାକୁ ନିତ୍ତି ହୋଇଥିଲା। ଚାରି ଯୁବକଙ୍କ ନାମ କାଗଜରେ ଲେଖି ଜଣେ ଶିଶୁକୁ ତାହାକୁ କାଢ଼ିବାକୁ କୁହାଯାଇଥିଲା। ସେଥିରେ ଯାହା ନାମ ବାହାରିଥିଲା ତାଙ୍କୁ ହିଁ ଯୁବତୀ ବିବାହ କରିବେ କୁହାଯାଇଥିଲା। ସେଭଳି ମାମଲାର ନିଷ୍କର୍ସ ବାହାରିଥିଲା।
