ଜ୍ୟୋତିଷଶାସ୍ତ୍ରରେ ୧୨ଟି ରାଶି ବିଷୟରେ ବର୍ଣ୍ଣନା କରାଯାଇଛି। ସମସ୍ତ ରାଶିର ସ୍ବତନ୍ତ୍ରତା ରହିଛି। ସେଥିରୁ ଗୋଟିଏ ହେଲା ମକର ରାଶି। ଏହି ରାଶିର ସ୍ବାମୀ ଗ୍ରହ ହେଉଛନ୍ତି ଶନି। ମକର ରାଶିରେ ଜନ୍ମିତ ମହିଳାମାନେ ବେଶ ସ୍ବାଭିମାନୀ ହେବା ସହ ତାଙ୍କ ଭିତରେ ସହନଶୀଳତା, ଆତ୍ମନିର୍ଭର ଏବଂ ସାହସୀ ପ୍ରବୃତ୍ତି ବହୁତ ଥାଏ। ହେଲେ ନାକ ଉପରେ ଏମାନଙ୍କ ରାଗ ରହିଥାଏ। ଯେତେ ବଡ଼ ବିପଦ ନ ଆସୁ କାହିଁକି ସେମାନେ ବିଚଳିତ ହୁଅନ୍ତି ନାହିଁ। ବିଶେଷକରି ବିବାହ ପରେ ଏମାନେ ସ୍ବାମୀଙ୍କ ପାଇଁ ଭାଗ୍ୟଶାଳୀ ସାବ୍ୟସ୍ତ ହୋଇଥାନ୍ତି। ଆସନ୍ତୁ ଜାଣିବା ମକର ରାଶିରେ ଜନ୍ମିତ ଝିଅମାନଙ୍କ ବିଷୟରେ ରୋଚକ କଥା:-
-ମକର ରାଶିର ଝିଅମାନେ ପାରିବାରିକ ହୋଇଥାନ୍ତି। ସେମାନେ ସମସ୍ତଙ୍କ ଆବଶ୍ୟକତାକୁ ପୂରଣ କରିଥାନ୍ତି। ଏମାନଙ୍କ ମନରେ ଲୋଭ, ମୋହ ନ ଥାଏ। ସ୍ବଭାବରେ ଶାନ୍ତ ହେଲେ ହେଁ ଆବଶ୍ୟକତା ସମୟରେ ଏମାନେ ଅନ୍ୟମାନଙ୍କ ମୁହଁ ବନ୍ଦ କରିଦେଇଥାନ୍ତି। ଏମାନେ ଭଲ ନିର୍ଣ୍ଣୟ ନେଇଥାନ୍ତି। ପରିଶ୍ରମ କରି ଏମାନେ ଧିରେ ଧିରେ କାର୍ଯ୍ୟସ୍ଥଳରେ ନିଜର ଭିନ୍ନ ପରିଚୟ ସୃଷ୍ଟି କରିଥାନ୍ତି। ବିଶେଷକରି ଆତ୍ମନିର୍ଭର ଗୁଣ ଏମାନଙ୍କ ବଡ଼ ବିଶେଷତା ବୋଲି କୁହାଯାଏ।
-ଏହି ରାଶିର ଯୁବତୀ ନିଜ ପାଇଁ ଆତ୍ମବିଶ୍ୱାସରେ ଭରପୂର ଥିବା ସାଥୀଟିଏ ଚାହିଁଥାନ୍ତି। ସେମାନେ ନିଜ ସାଥୀଙ୍କ ପ୍ରତିଟି ଆବଶ୍ୟକତାର ଯତ୍ନ ନିଅନ୍ତି। ପ୍ରତିଟି ସମ୍ପର୍କକୁ ଏମାନେ ସଚ୍ଚୋଟତାରେ ନିର୍ବାହ କରନ୍ତି। ସ୍ବାମୀ ଓ ପିଲାଙ୍କୁ ଏମାନେ ବହୁତ ଭଲ ପାଇଥାନ୍ତି। ସ୍ବାମୀଙ୍କ ପାଇଁ ଏମାନେ ବହୁତ ଲକି। ଏମାନଙ୍କ ବୈବାହିକ ଜୀବନ ସୁଖମୟ ହୋଇଥାଏ।
-ଏହି ରାଶିର ଯୁବତୀ ବହୁତ ସ୍ବାଭିମାନୀ ହୋଇଥାନ୍ତି। ସ୍ବଭାବରେ ଜିଦ୍ଦି ହୋଇଥିବା ହେତୁ ନିଜ ନିଷ୍ପତ୍ତି ଏମାନେ ପରିବର୍ତ୍ତନ କରନ୍ତି ନାହିଁ। ଭାଗ୍ୟ ଅପେକ୍ଷା ଏମାନେ କର୍ମ ଉପରେ ଭରସା କରନ୍ତି। କାର୍ଯ୍ୟକ୍ଷେତ୍ରରେ ଏମାନେ ଶାସନ କରିବାର କ୍ଷମତା ରଖିଥିବା ହେତୁ ଉଚ୍ଚପଦକୁ ଖୁବ୍ଶୀଘ୍ର ଉଠିଯାଇଥାନ୍ତି। ହେଲେ ରାଗ ବେଳେ ଏମାନେ କାହାରିକୁ ମାନନ୍ତି ନାହିଁ।
