ପଦ୍ମପୁର,୨୦।୧୧(ଡି.ଏନ୍.ଏ): ଭଦ୍ରକ ଜିଲା ବାସୁଦେବପୁର ଥାନା ଅନ୍ତର୍ଗତ ଦେଉଳି ଗାଁର ମଧୁସୂଦନ ଧଳଙ୍କ ଘରୁ ଗୁରୁବାର ବିଳମ୍ବିତ ରାତିରେ ଚୋରି ହେଇଛି। ଏ ନେଇ ଶୁକ୍ରବାର ଥାନାରେ ଅଭିଯୋଗ ହେଇଛି। ଝିଅର ବାହାଘର ଲାଗି ମଧୁସୂଦନଙ୍କ ସ୍ତ୍ରୀ ଜୋସ୍ନାରାଣୀ ସମସ୍ତ ସୁନା ଗହଣା ଓ ନଗଦ ୫ଲକ୍ଷ ଟଙ୍କା ଏକ ବାକ୍ସ ଭିତରେ ରଖିଥିଲେ। ହେଲେ ଗତକାଲି ରାତିରେ ଦୁବୃର୍ତ୍ତ ବାକ୍ସ ଭିତରେ ଥିବା ସମସ୍ତ ଅଳଙ୍କାର ସହିତ ନଗଦ ୫ଲକ୍ଷ ଟଙ୍କା ଚୋରିକରି ନେଇଛନ୍ତି। ମାତ୍ର ଏ ନେଇ ପରିବାର ଲୋକେ କେହି ଜାଣିପାରି ନ ଥିଲେ। ରାତି ୩ଟାରେ ବାହାରକୁ ଯିବା ପାଇଁ ଉଠିବା ପରେ ବାକ୍ସ ଖୋଲା ଥିବା ଦେଖି ଚୋରି ସମ୍ପର୍କରେ ଜାଣିବାକୁ ପାଇଥିଲେ । ଖବର ପାଇ ପୋଲିସ ଘଟଣାର ତଦନ୍ତ ଜାରି ରଖିଛି।
