ନୂଆଦିଲ୍ଲୀ,୨ା୯: ତେଲ ଏବଂ ଗ୍ୟାସ୍ର ଲଗାତର ଦରବୃଦ୍ଧିକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ବୁଧବାର ଟାର୍ଗେଟ କରିଛନ୍ତି। ଗତ ୭ ବର୍ଷରେ ପେଟ୍ରୋଲ, ଡିଜେଲ ଏବଂ ଗ୍ୟାସ୍ ଦର ବଢାଇ ସରକାର ୨୩ ଲକ୍ଷ କୋଟି ଟଙ୍କା ଆଦାୟ କରିଥିବାରୁ ସେ କେନ୍ଦ୍ର ସରକାରଙ୍କୁ ସେ ସମାଲୋଚନା କରିଛନ୍ତି। କୃଷକ, ବେତନଭୋଗୀ ଏବଂ ଶ୍ରମିକ ଶ୍ରେଣୀଙ୍କୁ ବିମୁଦ୍ରୀକରଣ କରାଯାଉଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର କେତେକ ଉଦ୍ୟୋଗପତି ବନ୍ଧୁଙ୍କ ଲାଗି ମୁଦ୍ରୀକରଣ କରୁଥିବା ସେ ଅଭିଯୋଗ କରିଛନ୍ତି। ସେ ଜିଡିପି ବୃଦ୍ଧିକୁ ମଧ୍ୟ ନୂଆ ଭାବେ ଦର୍ଶାଇଛନ୍ତି। ଜିଡିପି ବୃଦ୍ଧି ମାନେ ତେଲ ଦର ଏବଂ ଗ୍ୟାସ୍ ଭଳି ଅନ୍ୟ ସାମଗ୍ରୀ ଦର ବୃଦ୍ଧି ବୋଲି ରାହୁଲ କଟାକ୍ଷ କରିଛନ୍ତି। ସରକାର ଗତ ୭ ବର୍ଷରେ ତେଲରୁ ଯେଉଁ ଅର୍ଥ ଆଦାୟ କରିଛନ୍ତି ତାହା କେଉଁ ଆଡ଼େ ଗଲା ବୋଲି ଦେଶବାସୀ ସରକାରଙ୍କୁ ପ୍ରଶ୍ନ କରନ୍ତୁ। ମୁଦ୍ରୀକରଣ ଦ୍ୱାରା ସାଧାରଣ ଲୋକେ ହଇରାଣ ହେଉଥିବା ବେଳେ ପୁଞ୍ଜିପତିଙ୍କ ପକେଟକୁ ସରକାର ଭରୁଛନ୍ତି ବୋଲି ରାହୁଲ କହିଛନ୍ତି।