କୃଷ୍ଣପ୍ରସାଦ,୭ା୯(ଡି.ଏନ୍.ଏ.): ରାଜ୍ୟପାଳ ପ୍ରଫେସର ଗଣେଶୀ ଲାଲ ମଙ୍ଗଳବାର ମା’ କାଳିଜାଈଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଛନ୍ତି। ଗରୁଡ଼ ଭାସମାନ ଲଞ୍ଚରେ ରାଜ୍ୟପାଳ ଅପରାହ୍ନ ୩ଟାରେ କାଳିଜାଈ ପୀଠରେ ପହଞ୍ଚିଥିଲେ। ନାଭାଲର କମାଣ୍ଡିଂ ଅଫିସର ଓ ଉଚ୍ଚପଦସ୍ଥ ଅଧିକାରୀମାନେ ଚିଲିକାର ଇତିହାସ ସମ୍ପର୍କରେ ରାଜ୍ୟପାଳଙ୍କୁ ସମ୍ୟକ୍ ସୂଚନା ଦେଇଥିଲେ। ଅପରୂପ ନୀଳାମ୍ବୁ ଚିଲିକାର ଦୃଶ୍ୟ ଦେଖି ରାଜ୍ୟପାଳ ବିଭୋର ହୋଇଥିଲେ। ରାଜ୍ୟପାଳଙ୍କ ଗସ୍ତ ସମୟରେ କୃଷ୍ଣପ୍ରସାଦ ଆଇଆଇସି ଶରତ କୁମାର ନାୟକ, ଏସ୍ଆଇ ନାରାୟଣ ପ୍ରଧାନଙ୍କ ସମେତ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ।